Kitchen Tips: घरात गरमागरम भजी, वडे किंवा समोसे तळल्यावर उरलेलं तेल काळं झालं म्हणून आपण ते फेकून देतो. पण थांबा! हेच तेल तुम्ही अनेक घरगुती कामांसाठी वापरू शकता. टाकाऊ समजल्या जाणाऱ्या या तेलाचे फायदे जाणून घ्या.
उरलेल्या आणि काळ्या पडलेल्या तेलाचे आश्चर्यकारक उपयोग
घरात भजी, वडे किंवा मासे तळल्यानंतर तेल काळं पडतं. अनेकजण हे तेल खराब झालं, चिकट झालं म्हणून फेकून देतात. पण थोडी कल्पकता वापरली तर याच काळ्या झालेल्या तेलाचा तुम्ही अनेक कामांसाठी वापर करू शकता. ते कसं, चला पाहूया.
25
गंज काढण्यासाठी उत्तम उपाय
घरातील लोखंडी वस्तूंना गंज लागला की आपण त्या बाजूला टाकतो. पण त्यावर उरलेलं तेल लावा. आधी तेल गाळून बाटलीत भरा. जेव्हा गरज असेल, तेव्हा गंजलेल्या भागावर तेल लावून कापडाने पुसा. यामुळे गंज निघून जाईल आणि वस्तू नव्यासारख्या दिसतील.
35
तेलाने स्टिकर्स आणि लेबल्स सहज निघतात
नवीन भांडी किंवा बाटल्यांवरील स्टिकर्स खूप घट्ट चिकटलेले असतात. त्या डागांवर थोडं जुनं तेल लावा आणि ५-१० मिनिटं तसंच ठेवा. त्यानंतर कापडाने पुसलं की स्टिकर आणि त्याचा चिकटपणा सहज निघून जाईल. जास्त मेहनत करावी लागणार नाही.
घरात मोहरीचं तेल उरलं असेल तर ते फेकू नका. जुन्या फर्निचरला पुन्हा चमक देण्यासाठी हे तेल वापरा. मऊ कापड तेलात बुडवून लाकडावर घासा. यामुळे लाकडाला मॉइश्चर मिळून ते चमकदार होईल. नंतर कोरड्या कापडाने पुसायला विसरू नका.
55
दरवाजांचा आवाज थांबवण्यासाठी
घरातील दरवाजा किंवा खिडकीच्या बिजागऱ्यांमधून करकर आवाज येत असेल, तर हे उरलेलं तेल वापरा. कापसाचा बोळा तेलात बुडवून बिजागऱ्यांवर लावा. आवाज लगेच थांबेल आणि त्या व्यवस्थित काम करू लागतील.
