Kitchen Tips: घरातल्या किचनमधील कचऱ्यापासून कंपोस्ट कसं बनवायचं? जाणून घ्या सोप्या स्टेप्स, योग्य पद्धत आणि आवश्यक काळजी. हे नैसर्गिक खत झाडांची वाढ सुधारतं आणि कचऱ्याला 'काळं सोनं' बनवतं.
भाज्यांची सालं, फळांचे अवशेष आणि चहापत्ती यांसारखा कचरा मातीसाठी मौल्यवान पोषण बनू शकतो. घरी कंपोस्ट बनवून तुम्ही कचरा कमी करू शकता आणि झाडांचे आरोग्य सुधारू शकता.
26
कंपोस्ट काय आहे आणि त्याला 'काळं सोनं' का म्हणतात?
कंपोस्ट हे जैविक कचऱ्यापासून बनवलेलं नैसर्गिक खत आहे. ते मातीला पोषण देतं आणि तिची सुपीकता वाढवतं. यामुळे झाडांची वाढ चांगली होते आणि ओल्या कचऱ्याचे प्रमाणही कमी होतं.
36
किचनमधील कचऱ्यापासून कंपोस्ट बनवण्यासाठी काय लागतं?
यासाठी महागड्या उपकरणांची गरज नाही. एक झाकणवाला डबा, सुका कचरा (उदा. पालापाचोळा) आणि ओला कचरा (उदा. भाज्यांची सालं) लागतो. थोडी माती वापरल्यास प्रक्रिया सोपी होते.
डब्याला छिद्र पाडून त्यात सुका कचरा आणि ओला कचरा एकावर एक टाका. वास येऊ नये म्हणून त्यावर थोडी माती टाका. आठवड्यातून एकदा मिश्रण हलवा. ३०-४५ दिवसांत खत तयार होईल.
56
कंपोस्ट बनवताना काय टाळावे?
कंपोस्टमध्ये प्लास्टिक, तेल, दूध, दही, मांस किंवा शिजवलेले अन्न टाकू नये. यामुळे दुर्गंधी येते आणि हानिकारक जीवाणू वाढतात. फक्त नैसर्गिकरित्या कुजणाऱ्या वस्तूंचाच वापर करावा.
66
तयार कंपोस्टचा वापर कसा करावा?
तयार झालेले कंपोस्ट कुंड्यांमधील मातीत मिसळा. हे खत भाजीपाला आणि फुलांच्या झाडांसाठी खूप फायदेशीर आहे. यामुळे झाडांना दीर्घकाळ पोषण मिळते आणि त्यांची वाढ चांगली होते.
