Kitchen Hack: चहा घट्ट करण्यासाठी मिल्क पावडर वापरणं ही जुनी पद्धत झाली. आता दूध कितीही पातळ असलं तरी, एक सोपी ट्रिक वापरून तुम्ही घरच्या घरी एकदम हॉटेलसारखा घट्ट आणि मलईदार चहा बनवू शकता. जाणून घ्या ही खास किचन टिप.
आपल्या देशात चहा म्हणजे फक्त एक पेय नाही, तर ती एक भावना आहे. सकाळी गरमागरम चहाचा कप मिळाला नाही, तर अनेकांचा दिवसच सुरू होत नाही. हवामान कोणतंही असो, दिवसातून दोन-तीन कप चहा पिणं सामान्य आहे. पण चहा तेव्हाच भारी लागतो, जेव्हा तो घट्ट असतो. चहा घट्ट होण्यासाठी दूधही घट्ट हवं. पण आजकाल डेअरीचं दूध इतकं पातळ येतं की, त्यात घट्ट चहा बनवणं एक आव्हानच आहे. कधीकधी दूध कमी असेल तर पाणी घालावं लागतं. अशावेळी मिल्क पावडर वापरली जाते, पण आज आम्ही एक अशी युक्ती सांगणार आहोत, ज्यामुळे दूध कितीही पातळ असलं तरी चहा एकदम घट्ट आणि चविष्ट बनेल.
25
ही आहे ती सिक्रेट पावडर!
तुमच्या घरी खूप पातळ दूध येत असेल किंवा कमी दुधात घट्ट चहा बनवायचा असेल, तर तुम्ही ही तयारी आधीच करून ठेवू शकता. चहा घट्ट करण्यासाठी काही जण मिल्क पावडर वापरतात, पण ती नेहमीच घरात उपलब्ध नसते. अशावेळी ही पद्धत खूप उपयोगी पडते. तुम्हाला फक्त एवढंच करायचं आहे: कोणतीही साधी ग्लुकोज बिस्किटं (Glucose Biscuits) घ्या आणि ती मिक्सरमध्ये बारीक वाटून त्याची पावडर बनवा. ही पावडर एका डब्यात भरून ठेवा. चहा बनवताना ही पावडर वापरल्यास चहा घट्ट, मलईदार आणि चविष्ट होतो.
35
बिस्किट पावडर कधी आणि कशी टाकावी?
चहा बनवण्यासाठी आधी एका भांड्यात पाणी गरम करा. त्यात आलं, वेलची किंवा दालचिनी यांसारखे तुम्हाला आवडणारे मसाले घाला. नंतर गरजेनुसार चहा पावडर टाका. पाण्याला चांगली उकळी येऊन चहाचा रंग उतरल्यावर त्यात दूध आणि साखर घालून उकळू द्या. चहा पूर्णपणे तयार होण्याच्या टप्प्यात आल्यावर, त्यात १ चमचा बिस्किट पावडर टाका. त्यानंतर एक मिनिटभर चहा ढवळत राहा, जेणेकरून बिस्किट पावडर चांगली मिसळली जाईल. झाला तुमचा घट्ट चहा तयार!
बिस्किटं गोड असल्यामुळे चहामध्ये साखर टाकताना थोडी कमीच टाका, नाहीतर चहा खूप जास्त गोड होऊ शकतो. लक्षात ठेवा, बिस्किट पावडर खूप जास्त टाकू नका. फक्त १ चमचा पुरेशी आहे. नाहीतर चहाची मूळ चवच बदलू शकते.
55
बिस्किटाने चहा घट्ट का होतो?
बिस्किटांमध्ये साखर, मैदा, फॅट्स (Fat) आणि कॉर्न फ्लोअर असतं. हे घटक चहाला घट्टपणा आणि मलईदार चव देतात. त्यामुळे पातळ दुधाचा चहासुद्धा मस्त लागतो. पण लक्षात ठेवा, यासाठी फक्त साधी ग्लुकोज बिस्किटंच वापरा. फ्लेवर असलेली बिस्किटं वापरल्यास चहाची चव बिघडू शकते.
