Kia Academy Kochi : कोचीमध्ये कियाची नवीन अकादमी; काय आहे उद्दिष्ट?

Kia Academy Kochi : किया इंडियाने कोचीमधील इंचिऑन किया डीलरशिपमध्ये नवीन डीलर ट्रेनिंग अकादमी सुरू केली आहे. सेल्स आणि सर्व्हिस टीमला स्थानिक पातळीवर प्रशिक्षण देऊन देशभरात एकसारखा आणि उच्च-गुणवत्तेचा ग्राहक अनुभव देणे हे याचे उद्दिष्ट आहे.  

भारतातील आघाडीच्या मास-प्रीमियम वाहन उत्पादकांपैकी एक असलेल्या किया इंडियाने, कोचीमधील इंचिऑन किया डीलरशिपमध्ये नवीन डीलर ट्रेनिंग अकादमीचे उद्घाटन केले. ग्राहक-केंद्रित दृष्टिकोनाला प्राधान्य देण्याच्या कियाच्या दीर्घकालीन वचनबद्धतेला या निर्णयामुळे अधिक बळकटी मिळेल आणि देशभरातील डीलर नेटवर्कमध्ये एकसमान व उच्च-दर्जाचा मालकी अनुभव सुनिश्चित करणे हे याचे उद्दिष्ट आहे, असे कंपनीने एका प्रसिद्धीपत्रकात म्हटले आहे.

काय फायदा होणार - 

ही अकादमी डीलरशिप ग्रुपमध्येच सेल्स आणि सर्व्हिस टीमसाठी लेव्हल-1 प्रशिक्षण कार्यक्रम आयोजित करेल. स्थानिक पातळीवर प्रशिक्षणाची सोय उपलब्ध करून, किया इंडिया नवीन प्रतिभांना लवकर सामावून घेऊ शकेल आणि सध्याच्या टीमची कौशल्ये सतत विकसित करू शकेल. यामुळे, प्रशिक्षणासाठी डीलर आत्मनिर्भर होतील आणि प्रत्येक ग्राहक संवादात आत्मविश्वासू आणि प्रशिक्षित टीमचे सहकार्य मिळेल, असे कंपनीचे म्हणणे आहे.

स्पष्ट संवाद, जलद विक्री आणि सर्व्हिस प्रक्रिया, तसेच एकसमान सेवा दर्जा सुनिश्चित करून ग्राहकांना उत्कृष्ट सेवा अनुभव देणे, हा या नवीन योजनेचा उद्देश आहे. ठिकाण कोणतेही असो, सर्व टचपॉइंट्सवर समान दर्जाचा आणि अखंड अनुभव देणे हे या उपक्रमाचे मुख्य उद्दिष्ट आहे. सध्याच्या गरजा आणि भविष्यातील आव्हाने लक्षात घेऊन तयार करण्यात आलेली ही अकादमी तांत्रिक कौशल्य, वर्तणूक कौशल्ये आणि सेवा गुणवत्तेला प्राधान्य देते.

इंचिऑन किया टीमने ही ट्रेनिंग अकादमी यशस्वीपणे स्थापन केल्याबद्दल किया इंडियाने त्यांचे अभिनंदन केले. डीलर स्तरावर आयोजित केलेल्या प्रशिक्षणासाठी ही अकादमी एक आदर्श बनेल आणि देशभरातील किया नेटवर्कमध्ये हा आदर्श मॉडेल म्हणून विस्तारित केला जाईल, अशी आशा कंपनीने व्यक्त केली आहे. यामुळे किया इंडियाच्या दीर्घकालीन वाढीला आणि ग्राहकांचा अनुभव अधिक समृद्ध करण्यास मोठी मदत होईल, असेही कंपनीने म्हटले आहे.