जिओचा धमाकेदार दिवाळी ऑफर: १ वर्षांची वैधता, मोफत कॉलिंग, १.५ जीबी डेटा

मुंबई: रिलायन्स जिओने दिवाळीसाठी अनेक योजना आधीच जाहीर केल्या आहेत. या योजनांमध्ये अनेक ऑफर्सचा समावेश आहे. बीएसएनएलने आपल्या एक वर्षाच्या प्लॅनमध्ये १०० रुपयांची कपात केली आहे. रिलायन्स जिओ वापरकर्ते १,६९९ रुपयांचा प्लॅन सक्रिय केल्यास एक वर्षापर्यंत कोणतेही रीचार्ज करण्याची आवश्यकता नाही. या प्लॅनमुळे वारंवार रीचार्ज करण्याची कटकट संपेल आणि एक वर्षापर्यंत मोफत कॉल करता येतील. दररोज हाय स्पीड डेटा आणि मोफत एसएमएसही पाठवता येतील. तर या प्लॅनमध्ये कोणकोणत्या सुविधा आहेत ते पाहूया.

१,६९९ रुपयांचा जिओ प्रीपेड प्लॅन तपशील

* दररोज १.५ जीबी डेटा आणि अमर्यादित कॉल
* एक वर्षाची वैधता
* दररोज १.५ जीबी डेटा मिळेल. डेटा संपल्यानंतर इंटरनेट स्पीड ६४ केबीपीएस होईल.
* भारतातील कोणत्याही नेटवर्कवर एक वर्षापर्यंत मोफत कॉल करता येतील आणि दररोज १०० एसएमएस पाठवता येतील.
* यासोबतच जिओ अॅप, जिओ सिनेमा, जिओ टीव्हीचे सबस्क्रिप्शन मोफत मिळेल.

कोणाला मिळेल १००% कॅशबॅक ऑफर?

दिवाळी ऑफर अंतर्गत १४९ रुपये किंवा त्याहून अधिक रीचार्ज करणाऱ्या काही प्लॅनवर १००% कॅशबॅक दिला जात आहे. हे कॅशबॅक कूपन वापरून रिलायन्स डिजिटल स्टोअर्समध्ये खरेदी करता येईल. यामुळे कोणतेही पैसे न देता खरेदी करण्याची संधी मिळते. कॅशबॅक कूपन MyJio अॅपमधील My Coupons सेक्शनमध्ये ट्रॅक करता येईल. यातून कॅशबॅक कूपन सक्रिय करता येईल.

हा १००% कॅशबॅक ऑफर जुन्या जिओ ग्राहकांना उपलब्ध असेल. रीचार्ज ऑनलाइन किंवा ऑफलाइन पद्धतीने करता येईल. हे प्रमोशन ग्राहकांना अधिक फायदे देते. १००% कॅशबॅक ऑफरच्या सर्व अटींबद्दल अधिक माहितीसाठी जिओच्या अधिकृत वेबसाइट Jio.com ला भेट द्या.