iPhone 16 : २० सप्टेंबरपासून भारतात विक्रीला सुरुवात, काय आहेत वैशिष्टय?

Apple चे iPhone 16 सिरीजचे स्मार्टफोन आज लॉन्च होत आहे. लोक हा फोन कधी खरेदी करू शकतील? MacRumors ने अहवाल दिला आहे की आयफोन 16 मालिका Apple स्टोअरमध्ये 20 सप्टेंबरपासून उपलब्ध होईल. त्याच तारखेपासून भारतात iPhone 16 सीरीजची विक्री सुरू होण्याची शक्यता आहे.

Apple iPhone 16 मालिका आज 'इट्स ग्लो टाइम' नावाच्या मेगा इव्हेंटद्वारे लॉन्च केली जाईल. या मालिकेत iPhone 16, iPhone 16 Plus, iPhone 16 Pro आणि iPhone 16 Pro Max यांचा समावेश आहे. हा कार्यक्रम आज भारतीय वेळेनुसार रात्री 10.30 वाजता सुरू होईल. iPhone 16 मालिकेसोबतच Apple नवीन स्मार्टवॉच आणि इतर ॲक्सेसरीजही लॉन्च करू शकते. Apple Watch Series 10, Watch SE 3, Watch Ultra 3 आणि AirPods 4 देखील नवीन iPhones सोबत आज लॉन्च होऊ शकतात. मात्र, या बाजारात कधी उपलब्ध होतील याबाबत अद्याप कोणतीही माहिती समोर आलेली नाही.

कॅमेरा तंत्रज्ञानातील अपडेट्स, ऍपल इंटेलिजेंस फीचर्स आणि A18 चिप आयफोन 16 सीरिजला खास बनवतात. डिस्प्लेच्या डिझाईनमध्येही बदल होणार आहे. ॲपल या व्हर्जनमध्ये नवीन कलर व्हेरियंटही सादर करणार असल्याची माहिती आहे. ब्लूमबर्गच्या मार्क गुरमनच्या अहवालानुसार, ब्लू टायटॅनियमच्या जागी नवीन सोन्याचे टायटॅनियम फिनिश येऊ शकते. जांभळा, पांढरा आणि नैसर्गिक टायटॅनियम कलर व्हेरियंटही आयफोनमध्ये राहतील.