Instagram Ads: तुमच्या मनातल्या गोष्टी इंस्टाग्रामवर जाहिरात म्हणून का दिसतात?

Instagram Ads: तुमच्या कामाशी संबंधित गोष्टी, तुमची सध्याची मानसिक स्थिती... याच्याशी संबंधित जाहिराती आणि रील्स तुमच्यासमोर इंस्टाग्रामवर सतत येत असतात. या जाहिराती बघून आपल्याला आश्चर्य देखील वाटते.आपली मनस्थिती जाहिरातींमध्ये कशी दिसते? जाणून घ्या

इंस्टाग्राम तुमचं मन ओळखतं का?

कधीकधी आपल्याला वाटतं की आपल्या मनात काय आहे हे इंस्टाग्रामला माहीत आहे. तुम्ही मित्राला काही सांगितल्यास, लगेचच त्याच्याशी संबंधित जाहिरात दिसू लागते. त्यामुळेच अनेकजण मानतात की इंस्टाग्रामसारखे ॲप्स गुपचूप आपलं बोलणं ऐकतात. पण सत्य वेगळं आहे. इंस्टाग्रामचे प्रमुख ॲडम मोसेरी यांनी स्पष्ट केलं आहे की, कंपनी युजर्सचं बोलणं ऐकण्यासाठी मायक्रोफोन वापरत नाही.

जाहिराती इतक्या अचूक कशा असतात...

इंस्टाग्रामचे प्रमुख ॲडम मोसेरी यांच्या मते, तुम्ही काय कमेंट करता, सेव्ह करता किंवा काय शोधता याचं ॲप बारकाईने विश्लेषण करतं. याशिवाय, इतर वेबसाइट्सवरील तुमच्या ॲक्टिव्हिटी मेटा पिक्सेल आणि कुकीजद्वारे ट्रॅक केल्या जातात, ज्यामुळे तुम्हाला हायपर-पर्सनलाइज्ड जाहिराती दिसतात.

अशा जाहिराती पाहणं कसं थांबवायचं?

एखादं सोशल मीडिया प्लॅटफॉर्म तुमच्याबद्दल इतकं काही जाणून आहे, ही भावना अनेकांना अस्वस्थ करू शकते. तुम्हीही त्यापैकी एक असाल, तर हे डेटा ट्रॅकिंग थांबवण्याचे दोन मार्ग जाणून घेऊया. मेटाने आपल्या विविध प्लॅटफॉर्मसाठी जाहिरात सेटिंग्ज केंद्रीकृत केल्या आहेत. सर्व ॲप्समधील डेटा वापरून तुम्हाला वैयक्तिक जाहिराती दाखवल्या जातात. पण, आता कंपनी हे ट्रॅकिंग थांबवण्याचा पर्यायही देते.

पद्धत 1: मेटा अकाउंट सेंटर

1. तुमच्या फोनमधील इंस्टाग्राम ॲपवर जा.
2. तुमच्या प्रोफाइलवर जाऊन वरच्या उजव्या कोपऱ्यातील हॅम्बर्गर मेनूवर टॅप करा.
3. 'अकाउंट सेंटर'वर टॅप करा.
4. खाली स्क्रोल करून 'ॲड प्रेफरन्सेस'वर क्लिक करा.
5. 'मॅनेज इन्फो'वर टॅप करून 'ॲक्टिव्हिटी इन्फॉर्मेशन फ्रॉम ॲड पार्टनर्स'वर क्लिक करा.
6. 'रिव्ह्यू सेटिंग्स' निवडून “No, don’t make my ads more relevant by using this information.” वर टॅप करा. 

5. पद्धत 2: मेटा ॲक्टिव्हिटी बंद करा

1. अकाउंट सेंटरवर जा.
2. 'इन्फॉर्मेशन अँड परमिशन्स' निवडा.
3. 'युअर ॲक्टिव्हिटी ऑफ मेटा टेक्नॉलॉजी' वर टॅप करा.
4. 'डिस्कनेक्ट स्पेसिफिक ॲक्टिव्हिटी' निवडा.
5. आता तुम्हाला तुमचा पासवर्ड टाकावा लागेल.
6. हे सेटिंग कायमस्वरूपी करण्यासाठी, 'मॅनेज फ्युचर ॲक्टिव्हिटी' वर टॅप करून 'डिस्कनेक्ट फ्युचर ॲक्टिव्हिटी' निवडा.

6. लक्षात ठेवण्यासारख्या महत्त्वाच्या गोष्टी

लक्षात ठेवा की या सेटिंग्जमधील बदलांमुळे तुमच्या फीडमधील जाहिरातींची संख्या कमी होणार नाही. त्याऐवजी, प्लॅटफॉर्मवरील तुमच्या सर्च हिस्ट्रीवर आधारित वैयक्तिक जाहिराती फक्त कमी होतील. म्हणजेच, तुमच्या आवडीनिवडी किंवा ब्राउझिंग हिस्ट्रीवर आधारित जाहिराती आता अधिक वैयक्तिक करून दाखवल्या जाणार नाहीत.