ट्रेन विलंब झाल्यास मोफत जेवण
राजधानी, शताब्दी, दुरंतो एक्सप्रेस सारख्या प्रीमियम ट्रेन्समध्ये प्रवास करणाऱ्या प्रवाशांसाठी भारतीय रेल्वेची खास सेवा.
दिल्ली : हिवाळा येत आहे. येत्या काही महिन्यांत ट्रेनच्या वेळापत्रकात होणारे विलंब प्रवाशांना अनेक प्रकारच्या अडचणी निर्माण करतात. धुक्यामुळे लोको पायलटना ट्रॅक दिसत नाहीत, तसेच इतर तांत्रिक अडचणींमुळे अनेक ट्रेन्स तासन्तास उशिराने धावतात. मात्र, प्रवाशांना येणाऱ्या या अडचणींवर भारतीय रेल्वेने तोडगा काढला आहे.
राजधानी, शताब्दी, दुरंतो एक्सप्रेस सारख्या प्रीमियम ट्रेन्समध्ये प्रवास करणाऱ्या प्रवाशांना ही सेवा उपलब्ध असेल. आयआरसीटीसीच्या केटरिंग धोरणानुसार, जर या ट्रेन्स दोन किंवा त्याहून अधिक तास उशिराने धावल्या तर प्रवाशांना मोफत जेवण मिळेल. स्टेशनवर वाट पाहणाऱ्या आणि गंतव्यस्थानी पोहोचण्यास उशीर झालेल्या प्रवाशांच्या अडचणी कमी करण्यासाठी हा उपाय आहे.
आयआरसीटीसीच्या केटरिंग धोरणानुसार, वेळेनुसार जेवणाचा प्रकार ठरवला जातो. तसेच, मोठा विलंब झाल्यास, तिकीट रद्द केल्यावर प्रवाशांना संपूर्ण रक्कम परत मिळेल. जर ट्रेन तीन तासांपेक्षा जास्त उशिराने धावली किंवा तिचा मार्ग बदलला तर प्रवासी त्यांचे तिकीट रद्द करू शकतात आणि मूळ बुकिंग चॅनेलद्वारे परतावा मिळवू शकतात. रेल्वे काउंटरवरून तिकीट बुक केलेल्यांना पैसे परत मिळवण्यासाठी स्वतः जावे लागेल.
)
)
)
)