Indian Railway Ticket Cancellation Rules : ट्रेन सुटायच्या 8 तास आधी तिकीट कॅन्सल केलं तरच पैसे परत, रेल्वेचा नवा नियम!

Indian Railways New Ticket Cancellation Rules : रेल्वेने तिकीट कॅन्सलेशनच्या नियमांमध्ये मोठा बदल केला आहे. आता ट्रेन सुटण्याच्या ८ तास आधी तिकीट रद्द केल्यासच रिफंड मिळणार आहे. शेवटच्या ८ तासांत तिकीट रद्द केल्यास कोणताही परतावा मिळणार नाही. 

Indian Railways New Ticket Cancellation Rules : रेल्वे प्रवाशांसाठी एक मोठी बातमी आहे. रेल्वेने तिकीट रिफंडच्या नियमांमध्ये मोठे बदल केले आहेत. आता ट्रेन सुटण्याच्या ८ तास आधी तिकीट कॅन्सल केलं तरच तुम्हाला पैसे परत मिळतील. शेवटच्या ८ तासांत तिकीट रद्द केल्यास काहीही रिफंड मिळणार नाही. हे नवीन नियम १ एप्रिल ते १५ एप्रिल या काळात लागू होणार आहेत.

केंद्रीय रेल्वे मंत्री अश्विनी वैष्णव यांनी एका पत्रकार परिषदेत ही माहिती दिली. रेल्वे नेटवर्क अधिक चांगलं करण्यासाठी आणि प्रवाशांना उत्तम सेवा देण्यासाठी हे बदल केले जात असल्याचं त्यांनी सांगितलं.

तिकीट कॅन्सलेशनचे नियम बदलले:

नवीन नियमांनुसार, ट्रेन सुटण्याच्या ८ तास आधी तिकीट रद्द केल्यावरच रिफंड मिळेल. जर तुम्ही ट्रेन सुटण्याच्या ८ तासांच्या आत तिकीट रद्द केलं, तर तुम्हाला कोणताही रिफंड मिळणार नाही. पूर्वी हा नियम ४ तासांचा होता.

शेवटच्या क्षणी होणारी तिकीट कॅन्सलेशन टाळण्यासाठी आणि गरजू प्रवाशांना कन्फर्म तिकीट मिळवून देण्यासाठी हा निर्णय घेण्यात आला आहे.

तिकीट कॅन्सलेशनच्या वेळेनुसार रिफंडचे नवे स्लॅबही जाहीर झाले आहेत. ट्रेन सुटण्याच्या ८ ते २४ तास आधी तिकीट रद्द केल्यास ५०% रक्कम परत मिळेल. २४ ते ७२ तासांच्या दरम्यान रद्द केल्यास ७५% रक्कम परत मिळेल. तर ७२ तासांपेक्षा जास्त वेळ आधी तिकीट रद्द केल्यास फक्त नाममात्र शुल्क कापले जाईल.

क्लास बदलण्याची संधी:

आता प्रवाशांना ट्रेन सुटण्याच्या ३० मिनिटं आधीपर्यंत आपला प्रवासाचा क्लास अपग्रेड करण्याची संधी मिळणार आहे. याआधी, रिझर्वेशन चार्ट तयार होण्यापूर्वीच हे शक्य होतं.

बोर्डिंग स्टेशन बदलता येणार:

एवढंच नाही, तर ट्रेन सुटण्याच्या अर्धा तास आधीपर्यंत प्रवासी आपलं बोर्डिंग स्टेशनही बदलू शकतील. पूर्वी चार्ट तयार होण्यापूर्वीच हा बदल करता येत होता.

तत्काळ बुकिंगमध्ये बदल:
तत्काळ बुकिंगमधील बनावटगिरी रोखण्यासाठी आता आधार-आधारित ओटीपी (OTP) सिस्टीम लागू करण्यात आली आहे. यामुळे खोट्या बुकिंगला आळा बसेल.

मालवाहतुकीसाठी नवे वॅगन्स:

याशिवाय, रेल्वे विभाग मालवाहतूक क्षेत्रातही सुधारणा करत आहे. यासाठी नवीन सिंगल डेक आणि डबल डेक वॅगन्स आणल्या जात आहेत. यामुळे मीठ आणि ऑटोमोबाईल (गाड्या) वाहून नेण्यास मोठी मदत होईल.