आधार कार्डला नवा मोबाईल नंबर लिंक करायचाय? आता आधार सेंटरच्या चकरा मारण्याची गरज नाही; घरबसल्या करा 'हे' काम!

Aadhaar mobile number update online: आता आधार कार्डला मोबाईल नंबर लिंक करण्यासाठी आधार सेंटरला जाण्याची गरज नाही. UIDAI ने आधार ॲपमध्ये फेस ऑथेंटिकेशनसारखे नवीन फिचर आणले आहे, ज्यामुळे तुम्ही घरबसल्या काही मिनिटांत तुमचा मोबाईल नंबर अपडेट करू शकता.

आधार कार्डला नवा मोबाईल नंबर लिंक करायचाय? आता आधार सेंटरच्या चकरा मारण्याची गरज नाही

Aadhaar Mobile Number Update: आधार कार्ड हे आजच्या काळात केवळ ओळखीचा पुरावा नसून सर्व सरकारी आणि खाजगी कामांची गुरुकिल्ली आहे. आधारला लिंक असलेला मोबाईल नंबर सक्रिय असणे अत्यंत आवश्यक असते, कारण सर्व 'ओटीपी' (OTP) याच नंबरवर येतात. जर तुमचा जुना नंबर बंद झाला असेल किंवा तुम्हाला नवा नंबर अपडेट करायचा असेल, तर आता तासनतास रांगेत उभे राहण्याची गरज नाही. UIDAI ने आपल्या अधिकृत ॲपमध्ये मोठे बदल केले असून, आता तुम्ही घरबसल्या तुमच्या स्मार्टफोनवरून मोबाईल नंबर अपडेट करू शकता. 

आधार ॲपच्या नव्या फिचरचा धमाका!

युनिक आयडेंटिफिकेशन अथॉरिटी ऑफ इंडियाने (UIDAI) आधार ॲप अधिक सक्षम केले आहे. ज्यांना कामामुळे आधार सेंटरवर जाणे शक्य नाही, अशा लोकांसाठी हे वरदान ठरणार आहे. अँड्रॉइड किंवा आयफोन वापरकर्ते आता काही मिनिटांत ही प्रक्रिया पूर्ण करू शकतात. 

मोबाईल नंबर अपडेट करण्याची स्टेप-बाय-स्टेप पद्धत

१. सर्वात आधी तुमच्या फोनमध्ये Aadhaar App इंस्टॉल करा (असल्यास लेटेस्ट व्हर्जनवर अपडेट करा).

२. ॲप ओपन केल्यानंतर 'Mobile Number Update' या पर्यायावर क्लिक करा.

३. नवीन मोबाईल नंबर टाका, त्यावर आलेला OTP प्रविष्ट करून व्हेरिफिकेशन पूर्ण करा.

४. आता 'Face Authentication' ची प्रक्रिया होईल, यामध्ये ॲप तुमचा चेहरा स्कॅन करून ओळख पटेल.

५. व्हेरिफिकेशन यशस्वी झाल्यानंतर, डेमोग्राफिक अपडेटसाठी ७५ रुपये फी ऑनलाईन भरा.

६. पेमेंट यशस्वी होताच तुमचा नवीन नंबर आधार डेटाबेसमध्ये अपडेट होण्यासाठी सबमिट होईल. 

नवीन फोनमध्ये आधार ॲप आधीच येणार?

महत्त्वाची गोष्ट म्हणजे, सरकार आता सर्व नवीन स्मार्टफोन्समध्ये आधार ॲप 'प्री-इंस्टॉल' (आधीपासूनच डाऊनलोड केलेले) देण्याच्या विचारात आहे. यामुळे वापरकर्त्यांना ॲप शोधण्याची आणि डाऊनलोड करण्याची कटकट राहणार नाही. मात्र, ॲपल, गुगल आणि सॅमसंग सारख्या मोठ्या कंपन्या सध्या या प्रस्तावाला विरोध दर्शवत आहेत. 

महत्त्वाची टीप

तुमची बायोमेट्रिक माहिती सुरक्षित ठेवण्यासाठी नेहमी अधिकृत आधार ॲपचाच वापर करा आणि कुणाशीही आपला आधार ओटीपी शेअर करू नका.