How to Grow Black Pepper Plant at Home in a Pot : काळी मिरी हा एक महागडा मसाला आहे, जो बाजारात तब्बल १८०० ते २००० रुपये किलोने मिळतो. पण तुम्हाला माहित आहे का? हीच काळी मिरी तुम्ही घरी अगदी सहज लावू शकता.
हो, काळी मिरीचं रोपटं घरी अगदी सहज लावता येतं. हे एक वेलवर्गीय (क्लाइंबर) रोप आहे. तुम्ही नर्सरीतून लहान रोप आणून लावू शकता किंवा बियांपासूनही ते उगवू शकता.
26
१२ ते १६ इंचाची कुंडी घ्या
काळी मिरीचं रोपटं लावण्यासाठी आधी १२ ते १६ इंचाची कुंडी घ्या. तिच्या तळाशी पाणी जाण्यासाठी एक छिद्र (ड्रेनेज होल) नक्की करा. आता ४०% बागेतली माती, ३०% शेणखत, २०% वाळू आणि १०% कोकोपीट एकत्र करून पाणी निचरा होणारी चांगली माती तयार करा.
36
चांगल्या प्रतीचे दाणे घ्या
काळी मिरीच्या बिया लावण्यासाठी चांगल्या प्रतीचे दाणे घ्या किंवा नर्सरीतून लहान रोप आणून ते मातीत लावा. बिया लावण्यासाठी, त्या ४-५ तास पाण्यात भिजवून ठेवा. नंतर मातीत १ इंच खोलवर लावा. हलकं पाणी द्या आणि कुंडी अशा ठिकाणी ठेवा जिथे अर्धवट ऊन किंवा सावली असेल.
काळी मिरी हे वेलवर्गीय रोप आहे. त्यामुळे वेलीला वर चढण्यासाठी लाकूड, जाळी किंवा दांड्याचा आधार द्या. कुंडीतील माती हलकी ओलसर ठेवा. पाणी साचू देऊ नका. आठवड्यातून फक्त २ ते ३ वेळा पाणी द्या आणि दर २ ते ३ महिन्यांनी सेंद्रिय खत घाला.
56
२० ते ३५ डिग्री सेल्सिअस तापमानाची गरज
काळी मिरीचं रोप लावण्यासाठी उष्ण आणि दमट हवामान सर्वोत्तम असतं. म्हणजेच, तुम्ही मार्च-एप्रिल महिन्यात हे रोप लावू शकता. या रोपाच्या वाढीसाठी २० ते ३५ डिग्री सेल्सिअस तापमानाची गरज असते.
66
२ ते ३ वर्षांनी फळं यायला सुरुवात
काळी मिरीच्या रोपाला साधारणपणे २ ते ३ वर्षांनी फळं यायला सुरुवात होते. सुरुवातीला याचे दाणे हिरवे असतात. ते सुकल्यावर काळी मिरी तयार होते. ही काळी मिरी तोडून तुम्ही मसाल्यात किंवा जेवणात वापरू शकता.
