नोव्हेंबर महिन्यात दमदार Honda City वर बंपर डिस्काउंट, 1 लाखापेक्षा जास्त रुपयांची बचत!

Honda City November 2025 Massive Discount : होंडा कार्स इंडियाने नोव्हेंबर २०२५ महिन्यासाठी डिस्काउंट जाहीर केला आहे. कंपनी आपली लक्झरी सेडान होंडा सिटीवर मोठी सूट देत आहे.

Honda City November 2025 Massive Discount : जापनीज ऑटोमोबाईल ब्रँड होंडा कार्स इंडिया लिमिटेडने (HCIL) नोव्हेंबर २०२५ महिन्यासाठी डिस्काउंट जाहीर केला आहे. या महिन्यात, कंपनी आपली लक्झरी सेडान सिटीवर १.०७ लाख रुपयांपर्यंतचे फायदे देत आहे. इतकेच नाही, तर तिची नवीन एक्स-शोरूम किंमत ११,९५,३०० रुपये झाली आहे. होंडा सिटी SV, V, VX, आणि ZX व्हेरिएंटमध्ये e:HEV सह येते. भारतात, ही कार स्कोडा स्लाव्हिया, ह्युंदाई वरना आणि फोक्सवॅगन व्हर्टस यांच्याशी स्पर्धा करते. त्यामुळे, जर तुम्ही ही कार खरेदी करण्याचा विचार करत असाल, तर ही सर्वोत्तम संधी आहे.

होंडा सिटी इंजिन, वैशिष्ट्ये आणि स्पेसिफिकेशन्स

होंडा सिटीमध्ये १.५-लिटर पेट्रोल इंजिन आहे, जे १२१ bhp पॉवर आणि १४५ Nm टॉर्क जनरेट करते. हे इंजिन ६-स्पीड मॅन्युअल आणि ७-स्पीड CVT गिअरबॉक्स पर्यायांसह येते. कंपनीचा दावा आहे की, १.५-लिटर ऑटोमॅटिक व्हेरिएंट १७.८ किमी/लिटर मायलेज देते, तर १.५-लिटर CVT व्हेरिएंट १८.४ किमी/लिटर मायलेज देते. हायब्रिड मॉडेलचे मायलेज २६.५ किमी/लिटर आहे.

होंडा सिटीमध्ये वायरलेस अँड्रॉइड ऑटो आणि ॲपल कारप्लेसह ८-इंचाची टचस्क्रीन इन्फोटेनमेंट सिस्टम, लेदर अपहोल्स्ट्री, रेन-सेन्सिंग वायपर्स, वायरलेस फोन चार्जर, क्रूझ कंट्रोल, सनरूफ आणि ॲम्बियंट लायटिंग यांसारखी वैशिष्ट्ये आहेत. सुरक्षेसाठी यात सहा एअरबॅग्ज, टायर प्रेशर मॉनिटरिंग सिस्टम, इलेक्ट्रॉनिक स्टॅबिलिटी कंट्रोल, रिव्ह्यू कॅमेरा, EBD सह ABS आणि ADAS सारखे फीचर्स मिळतात. होंडा ADAS सुरक्षा वैशिष्ट्ये देखील देते.

टीप : येथे दिलेली सवलत माहिती विविध प्लॅटफॉर्मवरून गोळा केली आहे. ही सवलत वेगवेगळ्या राज्यांमध्ये, शहरांमध्ये, डीलरशिप्समध्ये, स्टॉक, रंग आणि व्हेरिएंटनुसार बदलू शकते. तुमच्या शहरात किंवा डीलरकडे ही सवलत कमी-जास्त असू शकते. त्यामुळे, कार खरेदी करण्यापूर्वी, अचूक सवलत आणि इतर माहितीसाठी तुमच्या जवळच्या स्थानिक डीलरशी संपर्क साधा.