Home Gardening: घरी मिरचीचं झाड लावलंय, पण त्याला फुलं किंवा मिरच्याच लागत नाहीयेत? काळजी करू नका, यावर सोपे उपाय आहेत. काही गोष्टींची काळजी घेतली की झालं. सावलीत वाढणाऱ्या झाडांना सहसा फुलं येत नाहीत. झाडाच्या मुळाशी ओलावा टिकवून ठेवणं गरजेचं आहे.
घरी मिरचीचं रोप लावलंय, पण त्याला अपेक्षेप्रमाणे फुलं किंवा फळं येत नाहीत? निराश होऊ नका. काही सोप्या गोष्टींची काळजी घेतली की भरपूर मिरच्या लागतील.
25
थेट सूर्यप्रकाशची गरज
मिरचीच्या झाडाला रोज किमान 6 ते 8 तास थेट सूर्यप्रकाश मिळेल याची खात्री करा. सावलीत झाडांना फुलं येत नाहीत. मुळाशी ओलावा ठेवा, पण पाणी साचू देऊ नका. माती जास्त कोरडी झाल्यासही फुलं गळून पडतात.
35
झाडाला फुलं येण्यासाठी...
झाडाला फुलं येण्यासाठी नायट्रोजनपेक्षा फॉस्फरस आणि पोटॅशियमची जास्त गरज असते. हाडांचा चुरा (बोन मील) आणि राख मुळाशी घातल्यास फुलं यायला मदत होते. आठवड्यातून एकदा स्युडोमोनासचं द्रावण फवारल्यास झाडाची रोगप्रतिकारशक्ती वाढते.
आंबवलेल्या तांदळाच्या पाण्यात तिप्पट पाणी मिसळून झाडाच्या मुळाशी घाला. हे एक उत्तम जैविक खत आहे. झाडाची वाढ झाल्यावर पाणी थोडं कमी द्या. यामुळे झाडावर 'स्ट्रेस' येतो आणि त्याला फुलं येतात. फुलगळती थांबवण्यासाठी पाण्यात थोडा हिंग मिसळून फवारा.
55
घरगुती उपाय
शेंगदाणा पेंड आणि शेण पाण्यात आंबवून त्याचं पाणी झाडाला दिल्यास ऊर्जा मिळते. पानांवर अळी किंवा पांढरी माशी आहे का ते तपासा. कडुलिंबाचं तेल आणि साबणाच्या मिश्रणाने कीड नियंत्रणात ठेवा. झाड फूटभर उंच झाल्यावर त्याचा शेंडा खुडल्यास जास्त फांद्या फुटून भरपूर फुलं येतात.
