हिरो स्प्लेंडर नोव्हेंबर महिन्यात सर्वाधिक विक्री; जाणून घ्या टॉप 10 बाईक्स

भारतीय बाजारात सर्वाधिक विकली जाणारी दुचाकी  म्हणजे हिरो स्प्लेंडर होय.  गेल्या महिन्यात  3,48,569 युनिट्सची विक्री झाली. होंडा ॲक्टिव्हा आणि होंडा शाईन यांनी अनुक्रमे दुसरे आणि तिसरे स्थान पटकावले आहे.  दहा टॉप टेन विकलेल्या दुचाकीची आकडेवारी पहा.

भारतीय बाजारपेठेत दुचाकीला मोठी मागणी आहे. त्यात गेल्या महिन्यात म्हणजे नोव्हेंबरमध्ये हिरो स्प्लेंडर देशातील सर्वाधिक विकली जाणारी दुचाकी ठरली. गेल्या महिन्यात, हिरो स्प्लेंडरने एकूण 3,48,569 नवीन ग्राहक मिळवले. या कालावधीत, हिरो स्प्लेंडरच्या विक्रीत वार्षिक 18.63 टक्के वाढ झाली. बरोबर एक वर्षापूर्वी, म्हणजेच नोव्हेंबर 2024 मध्ये, हा आकडा 2,93,828 युनिट्स होता. गेल्या महिन्यातील सर्वाधिक विकल्या गेलेल्या टॉप 10 दुचाकींच्या विक्रीबद्दल सविस्तर जाणून घेऊया.

या विक्रीच्या यादीत होंडा ॲक्टिव्हा दुसऱ्या स्थानावर आहे. या कालावधीत होंडा ॲक्टिव्हाने एकूण 2,62,689 युनिट्स स्कूटर विकल्या, ज्यात 27 टक्के वार्षिक वाढ झाली. होंडा शाईन विक्रीच्या यादीत तिसऱ्या स्थानावर आहे. या काळात होंडा शाईनने एकूण 1,86,490 युनिट्स मोटरसायकल विकल्या, ज्यात 28.15 टक्के वार्षिक वाढ झाली. याशिवाय, टीव्हीएस ज्युपिटर विक्रीच्या यादीत चौथ्या स्थानावर आहे. या काळात टीव्हीएस ज्युपिटरने एकूण 1,24,782 युनिट्स स्कूटर विकल्या, ज्यात 25.14 टक्के वार्षिक वाढ झाली. 

नोव्हेंबर महिन्यातील विक्रीच्या यादीत बजाज पल्सर पाचव्या स्थानावर आहे. या काळात बजाज पल्सरने एकूण 1,13,802 युनिट्स मोटरसायकल विकल्या, ज्यात वार्षिक 0.58 टक्के घट झाली. तर हिरो एचएफ डिलक्स या विक्रीच्या यादीत सहाव्या स्थानावर पोहोचली आहे. या काळात हिरो एचएफ डिलक्सने एकूण 91,082 युनिट्स मोटरसायकल विकल्या, ज्यात वार्षिक 48.72 टक्के वाढ झाली. याशिवाय, या विक्रीच्या यादीत सुझुकी ॲक्सेस सातव्या स्थानावर आहे. या काळात सुझुकी ॲक्सेसने एकूण 67,477 युनिट्स स्कूटर विकल्या, ज्यात वार्षिक 24.68 टक्के वाढ झाली.

तर टीव्हीएस अपाचे या विक्रीच्या यादीत आठव्या स्थानावर आहे. या काळात टीव्हीएस अपाचेने एकूण 48,764 युनिट्स मोटरसायकल विकल्या, ज्यात 36.94 टक्के वार्षिक वाढ झाली. टीव्हीएस एक्सएल 100 या विक्रीच्या यादीत नवव्या स्थानावर आहे. या काळात टीव्हीएस एक्सएल 100 ने एकूण 44,971 युनिट्स मोपेड विकल्या, ज्यात वार्षिक 2.07 टक्के घट झाली. तर टीव्हीएस आयक्यूब या विक्रीच्या यादीत दहाव्या स्थानावर आहे. या काळात टीव्हीएस आयक्यूबने एकूण 38,191 युनिट्स स्कूटर विकल्या. त्यानुसार, 48.71 टक्के वार्षिक वाढ झाली आहे.