Health Tips: डायबिटीजला दूर ठेवतील हे 4 पदार्थ, आहारात आजच आवर्जून करा समावेश

Health Tips: योग्य आहार आणि चांगली जीवनशैली यामुळे डायबिटीज नियंत्रणात ठेवता येतो. यातही खाण्यापिण्यावर लक्ष देणं खूप गरजेचं आहे. डायबिटीजला दूर ठेवण्यासाठी आहारात कोणत्या पदार्थांचा समावेश करायला हवा, ते जाणून घेऊया.

हिरव्या पालेभाज्या

पालक, केल (Kale) यांसारख्या पालेभाज्यांमध्ये व्हिटॅमिन सी आणि अँटीऑक्सिडंट्स भरपूर प्रमाणात असतात. डायबिटीज असलेल्या लोकांनी आपल्या आहारात पालेभाज्यांचा नक्की समावेश करावा.

लसूण

लसूण हा स्वयंपाकघरातील एक महत्त्वाचा पदार्थ आहे. यात अनेक औषधी गुणधर्म आहेत. लसूण डायबिटीज कमी करण्यास आणि वाईट कोलेस्ट्रॉल नियंत्रणात ठेवण्यास मदत करतो.

नट्स आणि बिया

बदाम, अक्रोड, चिया सीड्स आणि जवस (flax seeds) यामध्ये हेल्दी फॅट्स आणि प्रोटीन भरपूर प्रमाणात असतात. हे पदार्थ डायबिटीज नियंत्रणात ठेवण्यासाठी मदत करतात.

चांगले फॅट्स असलेले मासे

सॅल्मन, बांगडा (mackerel) आणि पेडवे (sardines) या माशांमध्ये ओमेगा-3 फॅटी ऍसिड भरपूर असतं. हे ऍसिड शरीरातील सूज कमी करतं आणि डायबिटीज होण्यापासून बचाव करतं.