Health Alert: भोपळ्याच्या बिया जास्त खाण्याचे काय होतात दुष्परिणाम? जाणून घेऊयात

Health Alert: भोपळ्याच्या बियांमध्ये अनेक पोषक तत्वे असतात. त्यात हेल्दी फॅट्स, फायबर, जीवनसत्त्वे आणि खनिजे भरपूर प्रमाणात असतात. हे खाणे आरोग्यासाठी चांगले असले तरी, जास्त प्रमाणात खाल्ल्यास ते आरोग्यासाठी कशाप्रकारे हानिकारक ठरू शकते जाणून घेऊयात 

पचनाच्या समस्या

भोपळ्याच्या बियांमध्ये भरपूर फायबर असते. कमी प्रमाणात खाल्ल्यास ते पचनासाठी चांगले असते. पण जास्त खाल्ल्यास पोटदुखी आणि जुलाब होऊ शकतात.

वजन वाढते

भोपळ्याच्या बियांमध्ये भरपूर कॅलरीज आणि फॅट्स असतात. याचे जास्त सेवन केल्याने वजन वाढू शकते.

ॲलर्जी

भोपळ्याच्या बिया खाणे आरोग्यदायी असले तरी, काही लोकांना यामुळे ॲलर्जी होऊ शकते. त्यामुळे भोपळ्याच्या बिया खाताना काळजी घ्यावी.

रक्तदाब कमी होतो

भोपळ्याच्या बिया खाल्ल्याने रक्तातील साखर कमी होण्यास मदत होते. पण ज्यांचा रक्तदाब कमी आहे, त्यांनी हे खाल्ल्यास तो आणखी कमी होऊ शकतो.

मुलांसाठी हानिकारक

लहान मुलांना भोपळ्याच्या बिया देणे टाळावे. कारण या बिया लहान आणि कडक असतात. त्यामुळे मुलांना त्या पचायला जड जातात.