ब्रेकअप स्टोरी: 'मला त्याला किस करायचंय पण...' बॉयफ्रेंडचे दात ठरले व्हिलन

Bad Habit Breakup Story: नात्यामध्ये स्वच्छतेचं खूप महत्त्व असतं. जर समोरच्या व्यक्तीला स्वच्छतेच्या बाबतीत काही वाईट सवयी असतील, तर ते ब्रेकअपचं कारण बनू शकतं. जसं की या कहाणीत घडणार आहे. 

ब्रेकअप होण्यासाठी कोणती गोष्ट कारण ठरू शकले हे सांगण कठीण आहे. एका छोट्या चुकीच्या सवयीमुळे ब्रेकअप झाला आहे. २९ वर्षांच्या एका तरुणीने अशीच तिची कहाणी शेअर करत प्रश्न विचारला आहे की, तिने ब्रेकअप करून घ्यावं का? तिने Reddit वर तिच्या नात्याचा अनुभव सांगितला आहे. चला जाणून घेऊया तिची संपूर्ण कहाणी, ज्यामुळे अनेकजण सावध होऊ शकतात.

 प्रेम तेव्हाच टिकतं जेव्हा दोन्ही पार्टनर एकमेकांच्या स्वच्छतेबद्दल आणि जीवनशैलीबद्दल समान विचार करतात. जर दोघांपैकी एकाच्या स्वच्छतेच्या सवयी खराब असतील, तर त्याच छोट्या गोष्टी हळूहळू भांडणाचं कारण बनतात. अनेकदा याच सवयी नात्यात इतकी मोठी दरी निर्माण करतात की ते तुटण्याच्या मार्गावर येतं.

२९ वर्षांच्या तरुणीने Reddit वर लिहिलं, 'मी गेल्या ५ वर्षांपासून माझ्या ३२ वर्षांच्या बॉयफ्रेंडसोबत रिलेशनशिपमध्ये आहे. तो सेल्फ केअर वगळता इतर सर्व बाबतीत परफेक्ट आहे. माझी सर्वात मोठी समस्या त्याच्या दातांच्या आरोग्याबद्दल आहे. त्याच्या दातांवर खूप जास्त कॅल्क्युलस (घाण) जमा झाली आहे आणि मी स्पष्टपणे सांगितलं आहे की जोपर्यंत तो ते स्वच्छ करत नाही, तोपर्यंत मला त्याला किस करायचं नाही. असं असूनही, तो डेंटिस्टकडे जाणं टाळत राहतो.

विशेष म्हणजे, ज्या डेंटिस्टकडे मी जाते, ते आमच्या घराच्या अगदी जवळ आहे आणि तिथे अपॉइंटमेंटशिवायही जाता येतं. तरीही तो फक्त 'हो, लवकरच जाईन' असं म्हणतो, पण कधीच जात नाही. ती पुढे सांगते की, हीच परिस्थिती त्याच्या खाण्यापिण्याच्या सवयींचीही आहे. तो थोडासा जाड आहे, ज्याची मला काही अडचण नाही, पण त्याचा आहार बहुतेक करून इन्स्टंट आणि जंक फूडवर अवलंबून असतो. मी त्याला रात्रीचं जेवण बनवून देण्याची ऑफर दिली, कारण मी त्याच्या आधी घरी येते, पण त्याला त्यातही विशेष रस नाही. तो उशिरापर्यंत काम करतो, त्यामुळे आठवड्याच्या दिवसांमध्ये आमचं एकत्र बसून जेवण करणंही अवघड होतं.

तो माझा सपोर्ट सिस्टीम आहे, पण मी त्याच्या लॉन्ग टर्म हेल्थबद्दल चिंतेत आहे

तरीही, तो माझ्यासाठी सर्वोत्तम साथीदार आहे, माझा सर्वात मोठा सपोर्ट सिस्टीम, माझा चीअरलीडर आहे. मी त्याच्यासोबत खूप आनंदी आहे आणि कदाचित म्हणूनच आम्ही इतकी वर्षे एकत्र आहोत. पण आपल्या जवळच्या व्यक्तीला स्वतःच्या आरोग्याकडे इतकं दुर्लक्ष करताना पाहणं खूप अवघड असतं. ती पुढे म्हणते की, मला कोणालाही जबरदस्तीने बदलायचं नाही, पण मी लॉन्ग टर्म हेल्थबद्दल खूप गंभीर आहे. मला त्याची मदत करायची आहे, पण मला त्याची आई बनायचं नाही. याच गोंधळामुळे मी या प्रश्नापर्यंत पोहोचले आहे. फक्त या कारणामुळे मी माझ्या बॉयफ्रेंडसोबत ब्रेकअप करून घ्यावं का?

या महिलेच्या पोस्टवर अनेक लोकांनी आपली मतं दिली. बहुतेक लोकांचं म्हणणं आहे की ब्रेकअप करणं गरजेचं नाही. उलट, त्याला सांगा की दात खराब झाल्यास अनेक प्रकारच्या शारीरिक समस्या उद्भवू शकतात. वयाच्या ६० व्या वर्षी सर्व दात काढावे लागू शकतात. ब्रेन स्ट्रोक होऊ शकतो.