Early Puberty: पहिली मासिक पाळी येणं हा एक महत्त्वाचा टप्पा असतो. यावेळी अनेक शारीरिक आणि मानसिक बदल होतात. पण आपल्या देशात मुलींना आता कमी वयातच मासिक पाळी येऊ लागली आहे. अगदी 8 व्या वर्षीच मुली वयात येत आहेत. यामागे नेमकी काय कारणं आहेत?
मासिक पाळी ही एक नैसर्गिक प्रक्रिया आहे. मुलीच्या आयुष्यात पहिल्यांदा पाळी येणं, ज्याला 'मेनार्की' (Menarche) म्हणतात, हा एक मोठा बदल असतो. साधारणपणे 10 ते 15 व्या वर्षी मुली वयात येतात. पण आता आपल्या देशात 8 व्या वर्षीच पाळी येणाऱ्या मुलींची संख्या वाढतेय.
24
मुलींना इतक्या लवकर पाळी का येतेय?
मुलींना इतक्या लवकर पाळी का येतेय? याची अनेक कारणं आहेत. मुख्य म्हणजे जंक फूड खाणं, व्यायामाचा अभाव, शारीरिक हालचाल नसणं, चुकीची जीवनशैली, कमी झोप आणि अभ्यासाचा ताण. या सगळ्यामुळे त्यांच्या शरीरात बदल होऊन त्या लवकर वयात येत आहेत.
34
चुकीची जीवनशैली
आजकाल मुलं अभ्यासाच्या तणावाखाली असतात. त्यातच टीव्ही आणि मोबाईल पाहण्याचं प्रमाण वाढलंय. यामुळे त्यांच्या झोपेच्या सवयी बदलतात. लहानपणापासूनच चुकीची जीवनशैली अंगवळणी पडते. बाजारात मिळणाऱ्या भेसळयुक्त पदार्थांचा त्यांच्या हार्मोन्सवर वाईट परिणाम होतो. यामुळे हार्मोन्स लवकर बदलतात आणि पाळी लवकर येते. त्यामुळेच 8 ते 9 वर्षांच्या मुली लवकर वयात येत आहेत.
मुली 8 वर्षांच्या झाल्यावर आईने त्यांना मासिक पाळीबद्दल माहिती देणं गरजेचं आहे. नाहीतर अचानक पाळी आल्यास त्या घाबरू शकतात. जर 8 वर्षांच्या आधीच पाळी आली, तर डॉक्टरांना नक्की भेटा. तसंच, मुलीचं वय 15 वर्षं होऊनही पाळी आली नसेल, तरी डॉक्टरांचा सल्ला घ्या. पाळीच्या वेळी खूप जास्त पोटात दुखत असेल, तर ते PCOD किंवा एंडोमेट्रिओसिससारख्या (Endometriosis) आजारांचं लक्षण असू शकतं.
