पीरियड्समध्ये 'ही' फळं खाऊ नका, जाणून घ्या कारण

मासिक पाळीच्या दिवसात पोटदुखी, कंबरदुखी असा त्रास होतो. हा त्रास कमी करण्यासाठी फळं खाणं महत्त्वाचं असतं. पण काही फळं फायद्याऐवजी नुकसान करू शकतात.

पीरियड्समध्ये होणाऱ्या हार्मोनल बदलांमुळे बद्धकोष्ठता, थकवा आणि मूड स्विंग्ससारखे त्रास होतात. त्यामुळे या दिवसांत तुम्ही काय खाता, यावर बरंच काही अवलंबून असतं.

फळं खाणं आरोग्यासाठी चांगलं असलं तरी, काही फळं मासिक पाळीदरम्यान खाणं टाळावं. कारण त्यामुळे त्रास वाढू शकतो. चला तर मग जाणून घेऊया कोणती फळं खाऊ नयेत.

केळ्यामध्ये स्टार्चचं प्रमाण जास्त असतं. मासिक पाळीत पचनक्रिया मंदावलेली असते. अशावेळी केळं खाल्ल्यास गॅस, बद्धकोष्ठता आणि पोटात दुखण्याचा त्रास होऊ शकतो.

कलिंगड खाल्ल्याने मासिक पाळीत पोट फुगल्यासारखं वाटू शकतं. जास्त पाणी असलेली फळं खाल्ल्याने पोट जड वाटतं आणि अस्वस्थता वाढते.

संत्री आणि लिंबामध्ये व्हिटॅमिन सी भरपूर असतं. पण त्यांच्या ॲसिडिटीमुळे मासिक पाळीत गॅसची समस्या वाढू शकते. यामुळे पचनाचा त्रास होऊ शकतो.

ड्राय फ्रुट्स खाल्ल्याने बद्धकोष्ठतेचा त्रास आणखी वाढू शकतो. तसेच यामुळे मूड स्विंग्सची समस्याही उद्भवू शकते.

अननसामध्ये 'ब्रोमेलेन' नावाचं एन्झाइम असतं. मासिक पाळीच्या काळात अननस जास्त प्रमाणात खाल्ल्यास रक्तस्राव वाढू शकतो किंवा बद्धकोष्ठतेचा त्रास होऊ शकतो.