DIY Fashion: जुन्या जीन्स फेकू नका! पॅन्टपासून बनवा हे 4 स्टायलिश स्कर्ट

DIY Fashion तुमच्या जुन्या जीन्स कपाटात पडून आहेत? त्या फेकून देण्याऐवजी तुम्ही त्यापासून मस्त स्टायलिश स्कर्ट बनवू शकता. DIY फॅशनच्या या जमान्यात जुन्या जीन्सला नवा लुक कसा द्यायचा, ते आम्ही तुम्हाला सांगणार आहोत.

DIY Fashion तुमची आवडती डेनिम जुनी झाली किंवा फिटिंग चुकलंय? काळजी करू नका. तिला फेकून देण्याऐवजी तुम्ही एका स्टायलिश स्कर्टमध्ये बदलू शकता. आजकाल DIY फॅशन आणि अपसायकलिंगचा ट्रेंड आहे, जिथे लोक जुन्या कपड्यांना नवीन आणि ट्रेंडी लुक देत आहेत.

DIY Fashion तुम्हाला सिंपल आणि क्लासी लुक आवडत असेल, तर ए-लाइन स्कर्ट सर्वोत्तम पर्याय आहे. हा स्कर्ट बनवण्यासाठी, जीन्सचे दोन्ही पाय कापून मधली शिलाई उघडा. नंतर कापड पसरवून त्याला ए-लाइन आकार द्या आणि खालच्या बाजूला हेमिंग करा. तुम्ही या स्कर्टवर मोती किंवा सिक्वेन्स वर्क करून त्याला पार्टी वेअर लुकही देऊ शकता.

DIY Fashion असा स्कर्ट बनवण्यासाठी तुम्हाला थोडी क्रिएटिव्हिटी वापरावी लागेल. जीन्सचा पुढचा भाग मागे ठेवा आणि दोन्ही पायांमधील भाग कापून टाका. त्यानंतर, जीन्सच्या पायांच्या कापडापासून प्लेट्स (चुण्या) तयार करा आणि त्या स्कर्टला बाजूने जोडा. तुम्ही समोरूनही प्लेटिंग जोडू शकता. तुमचा सुपर स्टायलिश स्कर्ट तयार होईल.

DIY Fashion तुमच्याकडे अनेक जुन्या जीन्स पडल्या असतील, तर त्यांचा वरचा भाग कापून घ्या. त्यानंतर, एक न्यूड रंगाचं कापड घ्या आणि जीन्सच्या पट्ट्या त्यावर एकामागोमाग एक शिवून टाका. तुमचा एक खूपच युनिक स्कर्ट तयार होईल. 

DIY Fashion जुन्या जीन्सचे दोन्ही पाय कापून टाका. त्यानंतर जीन्सच्या उरलेल्या भागातून पातळ दोऱ्या काढून त्या स्कर्टला अशा प्रकारे जोडा. पुढचं बटन मागे लावा. बाहेर फिरायला जाण्यासाठी (outing) हा स्कर्ट एक उत्तम पर्याय आहे.