DIY Planter: जुन्या कुंड्यांना द्या 'मार्बल' टच, घरच्या घरी बनवा स्टायलिश पॉट्स!

DIY Planter तुमच्या बाल्कनी किंवा घरातल्या जुन्या मातीच्या कुंड्या खराब दिसतायत? मग त्यांना फेकू नका. अगदी सोप्या DIY पद्धतीने त्यांना स्टायलिश मार्बल लुक द्या. यासाठी काय लागतं आणि ते कसं करायचं, याची सोपी माहिती.

DIY Planter आपल्या घरातल्या मातीच्या कुंड्या काही दिवसांनी जुन्या आणि फिक्या दिसू लागतात. त्यांना सारखा रंग देऊनही काही दिवसांनी त्या पुन्हा खराब दिसायला लागतात. पण आता या जुन्या कुंड्यांना फेकून देण्याची गरज नाही. तुम्ही घरच्या घरीच त्यांना एकदम 'एस्थेटिक' आणि सुंदर असा मार्बल टेक्सचर लुक देऊ शकता. आजकाल टेराकोटा मार्बल कुंड्यांची मागणी खूप वाढली आहे, पण त्या विकत आणण्याऐवजी तुम्ही घरच्या जुन्या कुंड्यांनाच तसा लुक देऊ शकता.

कुंड्यांना मार्बल लुक कसा द्यायचा?

मातीच्या कुंड्यांना पेंट करण्याचे अनेक मार्ग आहेत, पण स्प्रे पेंट वापरून मार्बल इफेक्ट देणं हा सगळ्यात सोपा आणि मस्त उपाय आहे. यामुळे कुंड्यांना एकदम क्लासी फिनिशिंग मिळतं आणि त्या खूप सुंदर दिसतात.

यासाठी काय काय लागेल?

• ५ लीटर पाण्याने भरलेली बादली
• ४-६ इंचाच्या मातीच्या कुंड्या
• स्प्रे पेंटच्या बाटल्या
• हातमोजे (Gloves) आणि मास्क
• बांबूची किंवा कोणतीही पातळ काडी

रंगांचं कॉम्बिनेशन कसं निवडाल?

तुमच्या बाल्कनी किंवा गार्डननुसार रंगांचं कॉम्बिनेशन निवडा. काळा, पांढरा आणि ग्रे रंग एकत्र केल्यास एक युनिक आणि शायनी लुक मिळतो. तर लाल, पिवळ्या रंगांनी तुम्ही एकदम व्हायब्रंट मार्बल लुक तयार करू शकता.

कुंड्यांना पेंट कसं करायचं? (स्टेप-बाय-स्टेप)

• पहिल्यांदा कुंडीला तुमच्या आवडीच्या रंगाचा बेस कोट द्या.
• एका मोठ्या बादलीत पाणी भरून घ्या.
• आता या पाण्यावर तुम्हाला हव्या असलेल्या रंगांचे स्प्रे पेंट फवारा. (तुम्ही ४-५ वेगवेगळे रंग वापरू शकता).
• एका पातळ काडीने हे रंग पाण्यात हलकेच फिरवा, जेणेकरून मार्बलसारखी डिझाइन तयार होईल.
• आता कुंडी हळूवारपणे या पाण्यात तिरकी बुडवा, म्हणजे पाणी आत जाईल.
• कुंडी पूर्ण पाण्यात गेल्यावर काही सेकंद थांबा. यामुळे पेंट कुंडीला व्यवस्थित चिकटेल.
• शेवटी, कुंडी बाहेर काढून उन्हात सुकवण्यासाठी ठेवा.

मार्बल टेक्सचर कुंड्यांची खासियत काय?

• मातीच्या कुंड्यांना मार्बल लुकमुळे एक मॉडर्न, क्लासिक आणि मिनिमल लुक मिळतो. हा लुक कोणत्याही डेकोरेशनसोबत सहज मॅच होतो.
• जर तुमच्याकडे पेंट करायला वेळ नसेल, तर तुम्ही फायबर, प्लास्टिक किंवा सिरॅमिक मटेरियलमध्येही अशा कुंड्या विकत घेऊ शकता. हे स्वस्त आणि टिकाऊ पर्याय आहेत.
• मार्बल फिनिशिंगमुळे रंगाची चिंता राहत नाही. तुम्ही या कुंड्या घराच्या आत (इनडोअर) किंवा बाहेर (आउटडोअर) कुठेही ठेवू शकता.