Car Market: काळ्या रंगाच्या गाड्या दिसायला एकदम स्टायलिश वाटतात, पण अनेक स्टडीजमध्ये असं समोर आलं आहे की कमी दृश्यमानतेमुळे (low visibility) इतर रंगांच्या तुलनेत या गाड्यांना अपघाताचा धोका थोडा जास्त असतो.
गाडी खरेदी करताना आपण मायलेज, किंमत, फीचर्स आणि ब्रँड या गोष्टींना जास्त महत्त्व देतो. पण तुम्हाला माहित आहे का, की गाडीच्या रंगाचा परिणाम तुमच्या सुरक्षेवरही होतो? अनेक अभ्यासांमध्ये हे सिद्ध झालं आहे की, विशेषतः काळ्या रंगाच्या गाड्यांना इतर रंगांच्या तुलनेत अपघाताचा धोका जास्त असतो.
24
काळ्या कारला धोका जास्त का?
तज्ज्ञांच्या मते, काळा रंग प्रकाश शोषून घेतो. त्यामुळे रात्री, पावसात, धुक्यात किंवा कमी प्रकाशात काळ्या गाड्या स्पष्ट दिसत नाहीत. रस्ता, झाडांची सावली आणि अंधारात काळी गाडी सहज मिसळून जाते. यामुळे इतर ड्रायव्हर्सना गाडीचं अंतर आणि वेग यांचा अंदाज लावणं कठीण होतं. काही आंतरराष्ट्रीय अभ्यासानुसार, काळ्या गाड्यांना अपघाताचा धोका 10 ते 20 टक्क्यांनी जास्त असतो. काही संशोधनांनुसार हा आकडा यापेक्षाही जास्त असू शकतो.
34
कोणत्या रंगाच्या गाड्या सुरक्षित आहेत?
तज्ज्ञांच्या मते, पांढरा, चंदेरी (सिल्व्हर), पिवळा आणि फिकट राखाडी (लाइट ग्रे) रंगाच्या गाड्या जास्त सुरक्षित मानल्या जातात. कारण या गाड्या दिवस-रात्र दोन्ही वेळेस सहज दिसतात. काळ्या गाडीची आणखी एक अडचण म्हणजे, उन्हाळ्यात ती जास्त उष्णता शोषून घेते. त्यामुळे गाडीच्या आतलं तापमान वाढतं आणि एसीचा वापर वाढल्याने इंधनावरही थोडा परिणाम होतो.
तज्ज्ञ हेही स्पष्ट करतात की, अपघाताला फक्त गाडीचा रंग जबाबदार नसतो. अति वेग, गाडी चालवताना मोबाईल वापरणे, मद्यपान करून गाडी चालवणे, खराब हवामान आणि रस्त्यांची वाईट स्थिती ही अपघातांची प्रमुख कारणं आहेत. तुमच्याकडे काळी गाडी असेल, तर रात्रीच्या वेळी हेडलाइट, टेललाइट आणि फॉग लॅम्प्स व्यवस्थित काम करत आहेत की नाही हे नक्की तपासा. तसेच, गाडी चालवताना सुरक्षित अंतर राखणं खूप महत्त्वाचं आहे.
