Car Market: कार खरेदी करणाऱ्यांच्या बदलत्या अपेक्षांमुळे, 360-डिग्री कॅमेऱ्यासारखे प्रीमियम फीचर्स आता बजेट कारमध्येही उपलब्ध झाले आहेत. जाणून घेऊया अशाच काही गाड्यांबद्दल.
आता गाडी घेणाऱ्या ग्राहकांची विचारसरणी बदलली आहे. त्यांना फक्त चांगलं मायलेज किंवा इंजिन परफॉर्मन्स नको, तर सुरक्षितता आणि आधुनिक टेक्नॉलॉजीने परिपूर्ण अनुभव हवा आहे. कार कंपन्यांनी हे ओळखलंय आणि म्हणूनच, एकेकाळी फक्त महागड्या गाड्यांमध्ये मिळणारे फीचर्स आता बजेट कार्समध्येही द्यायला सुरुवात केली आहे.
26
कमी किमतीत 360 कॅमेरा असलेल्या गाड्या
या फीचर्सच्या लिस्टमध्ये 360-डिग्री कॅमेरा हे फीचर खूप वेगाने लोकप्रिय होत आहे. शहरांमधील ट्रॅफिक आणि अरुंद पार्किंगच्या जागांमध्ये ड्रायव्हर्ससाठी हे फीचर खूपच उपयुक्त ठरतं. गाडीच्या सभोवतालचा संपूर्ण परिसर स्क्रीनवर दाखवणारी ही सुविधा ड्रायव्हरची सुरक्षितता आणि आत्मविश्वास दोन्ही वाढवते.
36
टाटा टियागो
या फीचरसह कमी किमतीत मिळणाऱ्या मॉडेल्समध्ये टाटा टियागो एक महत्त्वाचा पर्याय आहे. टाटाने अलीकडील अपडेटमध्ये नवीन डिझाइन, सुधारित केबिन आणि टॉप व्हेरिएंटमध्ये 360-डिग्री कॅमेरा दिला आहे. याची किंमत 4.69 लाख ते 7.99 लाख रुपयांपर्यंत असल्यामुळे बजेटमध्ये गाडी घेणाऱ्यांसाठी हा एक आकर्षक पर्याय आहे.
मारुती सुझुकीच्या बलेनोनेही या यादीत स्थान मिळवले आहे. प्रीमियम हॅचबॅक सेगमेंटमध्ये लोकप्रिय असलेल्या या मॉडेलमध्ये 360-डिग्री कॅमेरा आल्यानंतर शहरी ग्राहकांमध्ये तिची मागणी आणखी वाढली आहे. 1.2 लीटर पेट्रोल इंजिन आणि 9.10 लाख रुपयांपेक्षा कमी किंमत बलेनोला एक संतुलित पर्याय बनवते.
56
रेनॉ कायगर
ज्यांना एसयूव्ही आवडते, त्यांच्यासाठी रेनॉ कायगर आणि निसान मॅग्नाइट हे उत्तम पर्याय आहेत. या दोन्ही कारमध्ये 360-डिग्री कॅमेरा, अनेक गिअरबॉक्स पर्याय आणि आधुनिक डिझाइनसारखी वैशिष्ट्ये आहेत. विशेषतः शहरी आणि कौटुंबिक वापरासाठी ही मॉडेल्स डिझाइन केली आहेत.
66
टाटा पंच
टाटाची सर्वाधिक विकली जाणारी मायक्रो-एसयूव्ही पंचसुद्धा या यादीत खास स्थान मिळवते. अनेक इंजिन पर्याय आणि 360-डिग्री कॅमेऱ्याच्या सुविधेमुळे ही गाडी तरुण ग्राहकांना खूप आकर्षित करते. थोडक्यात, 360-डिग्री कॅमेरा आता फक्त लक्झरी कार्सपुरता मर्यादित राहिलेला नाही. 10 लाखांच्या आतही प्रीमियम अनुभव मिळतो, याचा पुरावा या गाड्या आहेत.
