Car Market: टाटा सिएरा EVचा जबरदस्त लूक बघितला का? 30 जूनला होणार ग्रँड लाँच!

Car Market: टाटा मोटर्स आपली बहुप्रतिक्षित सिएरा इलेक्ट्रिक एसयूव्ही 30 जून रोजी जागतिक स्तरावर लाँच करणार आहे. या गाडीची अपेक्षित किंमत आणि दमदार फीचर्सबद्दल जाणून घेऊया.

टाटा सिएरा इलेक्ट्रिक एसयूव्ही

भारतीय बाजारात इलेक्ट्रिक गाड्यांची स्पर्धा दिवसेंदिवस वाढत आहे. यातच टाटा मोटर्स आपली बहुप्रतिक्षित सिएरा इलेक्ट्रिक एसयूव्ही ३० जून रोजी लाँच करत आहे. १९९० च्या दशकात रस्त्यांवर आपली वेगळी ओळख निर्माण करणारी 'सिएरा' आता पूर्णपणे इलेक्ट्रिक आणि आधुनिक डिझाइनसह परत येत आहे. या गाडीच्या कॉन्सेप्ट मॉडेलला मिळालेल्या प्रतिसादामुळे लोकांच्या अपेक्षा वाढल्या आहेत.

500 किमी पेक्षा जास्त रेंज

नवीन सिएरा EV मध्ये प्रीमियम लूकसह LED हेडलाइट्स, आकर्षक फ्रंट ग्रिल आणि खास डिझाइनची मागील काच असेल. गाडीच्या आतमध्ये 10.25-इंचाचा डिजिटल ड्रायव्हर डिस्प्ले, 12.3-इंचाची इन्फोटेनमेंट स्क्रीन आणि पॅसेंजरसाठी आणखी एक 12.3-इंचाची स्क्रीन, असे एकूण तीन स्क्रीन मिळतील. यासोबतच पॅनोरॅमिक सनरूफ, व्हेंटिलेटेड सीट्स आणि 65 kWh व 75 kWh बॅटरीचे पर्याय असतील. एकदा चार्ज केल्यावर ही गाडी 500 किलोमीटरपेक्षा जास्त धावेल अशी अपेक्षा आहे.

कोणाला टक्कर? किंमत किती असेल?

टाटाच्या नवीन इलेक्ट्रिक प्लॅटफॉर्मवर तयार होणारी सिएरा रिअर-व्हील ड्राइव्ह (RWD) आणि ऑल-व्हील ड्राइव्ह (AWD) या दोन्ही पर्यायांमध्ये येऊ शकते. विशेषतः 75kWh बॅटरीसह येणारे AWD मॉडेल अधिक लक्ष वेधून घेईल. भारतीय बाजारात या गाडीची सुरुवातीची किंमत ₹18 लाख ते ₹25 लाखांच्या दरम्यान असू शकते. लाँच झाल्यानंतर ही एसयूव्ही महिंद्रा BE.06, ह्युंदाई क्रेटा इलेक्ट्रिक, एमजी झेडएस ईव्ही आणि मारुती eVitara सारख्या मॉडेल्सना थेट टक्कर देईल.