Car Market: टाटा मोटर्स लवकरच आपल्या गाड्यांमध्ये अॅपलचं 'कार की' हे जबरदस्त फीचर आणणार आहे. आता तुम्हाला गाडीची चावी सोबत बाळगण्याची गरज नाही. तुमचा आयफोनच बनेल तुमच्या गाडीची डिजिटल चावी. जाणून घ्या या नव्या टेक्नॉलॉजीबद्दल.
भारतातील कार मार्केट खूप मोठं आहे आणि टाटा मोटर्स यात एक मोठा प्लेयर आहे. आपल्या ग्राहकांना नेहमीच काहीतरी नवीन देण्याच्या प्रयत्नात असलेली टाटा कंपनी आता ऍपलच्या मदतीने एक खास फीचर आणत आहे.
23
ऍपलचं 'कार की' फीचर
टाटा मोटर्स लवकरच आपल्या इलेक्ट्रिक गाड्यांमध्ये ऍपलचं 'कार की' फीचर देणार आहे. यामुळे कार मालकांना प्रत्यक्ष चावी जवळ ठेवण्याची गरज नाही. ते आपल्या आयफोन किंवा ऍपल वॉचमधील 'ऍपल वॉलेट' ऍपमध्ये डिजिटल चावी सेव्ह करू शकतात. गाडीजवळ जाताच NFC टेक्नॉलॉजीने दारं आपोआप उघडतील आणि आत बसून फोन योग्य ठिकाणी ठेवताच इंजिन सुरू करता येईल. विशेष म्हणजे, फोनची बॅटरी संपल्यावरही हे फीचर सुमारे 5 तास काम करतं.
33
गाडी अनलॉक किंवा स्टार्ट करण्यासाठी इंटरनेटची गरज नाही
या फीचरचं वैशिष्ट्य म्हणजे गाडी अनलॉक किंवा स्टार्ट करण्यासाठी इंटरनेटची गरज नाही. हे 'सिक्योर एलिमेंट' चिपमुळे सुरक्षितपणे काम करतं. फोन चोरीला गेला तरी फेस आयडी किंवा पासकोडशिवाय गाडी उघडता येत नाही. तुम्ही मेसेजद्वारे तुमच्या कुटुंबाला किंवा मित्रांनाही ही डिजिटल चावी शेअर करू शकता. ऍपलने नुकत्याच झालेल्या डेव्हलपर कॉन्फरन्समध्ये जाहीर केलं की, हे फीचर 13 नवीन ब्रँड्ससाठी उपलब्ध होणार आहे, ज्यात टाटा मोटर्स ही एकमेव भारतीय कंपनी आहे. सुरुवातीला, हे फीचर टाटा कर्व्ह, हॅरियर, नेक्सॉन आणि पंच यांसारख्या हाय-एंड मॉडेल्समध्ये दिलं जाईल.
