Car Market: टाटाच्या गाड्यांवर ऑफर्सचा पाऊस! एप्रिलमध्ये मिळवा बंपर डिस्काउंट

Car Market: नवीन टाटा कार घ्यायचा विचार करताय? मग थांबा! एप्रिल 2026 मध्ये टाटा मोटर्स आपल्या नेक्सॉन, हॅरियर आणि सफारी मॉडेल्सवर तब्बल 50,000 रुपयांपर्यंतची सूट देत आहे. चला,  या संदर्भातील संपूर्ण माहिती पाहूया.

टाटा मोटर्सची बंपर ऑफर

टाटा मोटर्स आपल्या 2026 च्या काही मॉडेल्सवर कॅश डिस्काउंट आणि एक्सचेंज बोनस अशा दोन्ही ऑफर्स देत आहे. टाटा नेक्सॉन एसयूव्हीच्या काही व्हेरिअंट्सवर एकूण 25,000 रुपयांची सवलत मिळत आहे. यात 10,000 रुपये कॅश डिस्काउंट आणि 15,000 रुपये एक्सचेंज बोनस आहे. तर, टाटा टियागो हॅचबॅकवरही 25,000 रुपयांपर्यंत सूट आहे, ज्यात 15,000 रुपये कॅश डिस्काउंट आणि 10,000 रुपये एक्सचेंज बोनस मिळतो. पण ही ऑफर बेस XE व्हेरिअंटला लागू नाही. टाटा कर्व्ह एसयूव्हीवर तर एकूण 50,000 रुपयांची घसघशीत सूट जाहीर झाली आहे, ज्यात 30,000 रुपये कॅश डिस्काउंट आणि 20,000 रुपये एक्सचेंज बोनसचा समावेश आहे.

टाटा नेक्सॉन

प्रीमियम हॅचबॅक सेगमेंटमध्ये टाटा अल्ट्रॉझ ही एक लोकप्रिय गाडी आहे. एप्रिल 2026 पर्यंत, ग्राहकांना या गाडीवर 30,000 रुपयांपर्यंतचे फायदे मिळत आहेत. यामध्ये 15,000 रुपयांचा थेट डिस्काउंट आणि 15,000 रुपयांचा एक्सचेंज बोनस आहे. भारतात अल्ट्रॉझची एक्स-शोरूम किंमत सुमारे 6.30 लाख ते 10.15 लाख रुपयांपर्यंत आहे. ही गाडी थेट ह्युंदाई i20 आणि मारुती सुझुकी बलेनो सारख्या गाड्यांना टक्कर देते.

टाटा हॅरियर आणि टाटा सफारी

तुम्हाला मोठी एसयूव्ही घ्यायची असेल, तर टाटा हॅरियर आणि टाटा सफारीवर 35,000 रुपयांपर्यंतची सवलत मिळत आहे. यात 10,000 रुपयांचा कॅश डिस्काउंट आणि 25,000 रुपयांचा एक्सचेंज बोनस आहे. मात्र, या महिन्यात काही मॉडेल्सवर कोणताही डिस्काउंट नाही, ज्यात नवीन टाटा सिएरा आणि लोकप्रिय पंच एसयूव्हीचा समावेश आहे.

जवळच्या टाटा डीलरशी संपर्क साधून अचूक माहिती घ्या

टीप: इथे दिलेली डिस्काउंटची माहिती वेगवेगळ्या स्रोतांकडून गोळा केली आहे. ही ऑफर राज्य, शहर, डीलरशिप, उपलब्ध स्टॉक, गाडीचा रंग आणि व्हेरिअंट यानुसार बदलू शकते. म्हणजेच, तुमच्या शहरातील डीलरकडे ही सवलत कमी-जास्त असू शकते. त्यामुळे गाडी खरेदी करण्यापूर्वी, तुमच्या जवळच्या टाटा डीलरशी संपर्क साधून अचूक माहिती घेणे महत्त्वाचे आहे.