Car Market: 2022 मध्ये लाँच झालेली मारुती ग्रँड विटारा 2026 मध्ये एका मोठ्या फेसलिफ्ट अपडेटसह येणार आहे. या अपडेटमध्ये गाडीच्या बाहेरील आणि आतील लूकमध्ये बदलांसोबतच, एका 7-सीटर मॉडेलचीही मोठी उत्सुकता आहे.
मारुती सुझुकीच्या SUV लाइनअपमधील ग्रँड विटारा ही एक यशस्वी गाडी ठरली आहे. 2022 मध्ये लाँच झालेली ही कार तिच्या स्ट्रॉंग हायब्रीड टेक्नॉलॉजीमुळे ग्राहकांच्या पसंतीस उतरली. शहरात आणि लांबच्या प्रवासातही चांगलं मायलेज देणारी ही गाडी आता 2026 मध्ये एका मोठ्या बदलासह येणार आहे.
25
नवीन ग्रँड विटारा
या नव्या फेसलिफ्ट व्हर्जनमध्ये गाडीच्या बाहेरील लूकमध्ये मोठे बदल दिसतील. कंपनी यात नवीन ग्रील, अपडेटेड एलईडी हेडलाइट्स, बदललेले बंपर्स आणि स्टायलिश अलॉय व्हील्स देणार आहे. यामुळे गाडीचा लूक आणखी आकर्षक होईल. गाडीच्या आतमध्येही नवीन डॅशबोर्ड, मोठी टचस्क्रीन इन्फोटेनमेंट सिस्टीम आणि नवीन सीट कव्हर्स मिळण्याची शक्यता आहे.
35
ग्रँड विटारा फेसलिफ्ट
कंपनी गाडीच्या इंजिनमध्ये कोणताही मोठा बदल करणार नाही, असं म्हटलं जातंय. सध्याचं 1.5 लीटर माइल्ड हायब्रीड पेट्रोल आणि 1.5 लीटर स्ट्रॉंग हायब्रीड इंजिनचे पर्याय कायम राहतील. माइल्ड हायब्रीड मॉडेलमध्ये मॅन्युअल आणि ऑटोमॅटिक गिअरबॉक्स मिळेल, तर स्ट्रॉंग हायब्रीडमध्ये eCVT ट्रान्समिशन असेल. सोबतच, CNG व्हर्जनचा पर्यायही ग्राहकांना उपलब्ध असेल.
या अपडेटसोबतच, मारुती एक 7-सीटर ग्रँड विटारा आणणार असल्याची जोरदार चर्चा आहे. ही गाडी वेगळ्या नावाने लाँच होऊ शकते. यात जास्त लांबी आणि अतिरिक्त सीटिंगची सोय असेल. मोठ्या कुटुंबांना डोळ्यासमोर ठेवून कंपनी ही गाडी डिझाइन करत आहे, ज्यामुळे मारुतीच्या SUV लाइनअपमध्ये ही गाडी एक नवीन स्थान निर्माण करू शकते.
55
नवीन ग्रँड विटारा फीचर्स
त्याचबरोबर, मारुती आपल्या ब्रेझा मॉडेललाही फेसलिफ्ट अपडेट देणार आहे. याच्या बाहेरील लूकमध्ये नवीन ग्रील, एलईडी हेडलाइट्स आणि अलॉय व्हील्ससारखे बदल दिसतील. केबिनमध्ये मोठी टचस्क्रीन, व्हेंटिलेटेड सीट्स आणि प्रीमियम फिनिश असलेलं डॅशबोर्ड दिलं जाऊ शकतं. या गाडीच्या इंजिनमध्येही मोठा बदल होणार नाही. सध्याचे पेट्रोल आणि सीएनजी पर्याय कायम राहतील.
