Car Market: फक्त 5.21 लाखात नवी गाडी, 26.78 किमी मायलेज! पाहा 'स्टार' अवतार

Car Market: फक्त 5.21 लाख रुपयांच्या सुरुवातीच्या किमतीत, 26.79 किमीपर्यंत मायलेज देणारी मारुतीची लोकप्रिय गाडी नव्या अवतारात आली आहे. कमी बजेटमध्ये कुटुंबासोबतच्या प्रवासासाठी हे मॉडेल एक उत्तम पर्याय आहे.

मारुती सुझुकी स्टार एडिशन

ग्राहकांना कमी पैशात प्रीमियम फील देण्याच्या उद्देशाने, मारुतीने आपल्या लोकप्रिय गाडी मारुती सुझुकी ईकोसाठी नवीन 'स्टार एडिशन' ॲक्सेसरी पॅक लाँच केलं आहे. या पॅकेजची किंमत फक्त 19,999 रुपये आहे. या पॅकमुळे गाडीचा लुक आणि आतून मिळणाऱ्या सुविधा आणखी चांगल्या होतात. विशेष म्हणजे, हे पॅकेज डीलरकडून वेगळं बसवून घ्यावं लागतं. आधी या पॅकेजची किंमत 37,000 रुपये होती, जी आता 19,999 रुपयांवर आणल्याने ग्राहकांना मोठा फायदा झाला आहे.

कमी किमतीची कार

हे 'स्टार एडिशन' पॅकेज फक्त 5-सीटर एसी आणि 5-सीटर एसी सीएनजी मॉडेल्ससाठीच उपलब्ध आहे. गाडीच्या एक्स-शोरूम किमतीव्यतिरिक्त हे पॅकेज बसवता येतं. या नवीन पॅकेजमध्ये गाडीच्या बाहेरील आणि आतील डिझाइनमध्ये बदल करण्यात आले आहेत. बाहेरून रिअर स्पॉयलर, फॉग लॅम्प, व्हील कव्हर, डोअर वायझर, मड फ्लॅप आणि क्रोम बॅजिंग यांसारख्या गोष्टी मिळतात. शिवाय, मेटॅलिक ग्लिस्टनिंग ग्रे आणि मेटॅलिक ब्रिस्क ब्लू रंगांमध्ये बॉडी कलर बंपरची सुविधाही देण्यात आली आहे.

ईको व्हॅनमध्ये नवीन फीचर्स

गाडीच्या आतमध्ये स्टायलिंग किट आणि नवीन सीट कव्हर्स देण्यात आले आहेत. सुविधांच्या बाबतीत, ईकोमध्ये आधीपासूनच अनेक महत्त्वाचे फीचर्स आहेत. यात 6 एअरबॅग्ज, एबीएससोबत ईबीडी, ईएसपी, रिव्हर्स पार्किंग सेन्सर, सीट बेल्ट रिमाइंडर, इंजिन इमोबिलायझर, हॅलोजन हेडलॅम्प, मॅन्युअल एसी, डिजिटल इन्स्ट्रुमेंट क्लस्टर आणि स्लायडिंग डोअर यांसारख्या सुविधा मिळतात. हे सर्व फीचर्स सुरक्षा आणि आरामदायी प्रवासाचा विचार करून देण्यात आले आहेत.

नवीन ईकोची किंमत

गाडीच्या इंजिनमध्ये कोणताही बदल केलेला नाही. यात तेच 1.2 लिटर ड्युअलजेट पेट्रोल इंजिन आहे, जे 80 बीएचपी पॉवर आणि 104.4 एनएम टॉर्क निर्माण करतं. सीएनजी मोडवर हीच पॉवर 71 बीएचपी आणि 95 एनएम टॉर्कपर्यंत कमी होते. गाडीत फक्त 5-स्पीड मॅन्युअल गिअरबॉक्सचा पर्याय मिळतो. ईकोची मूळ किंमत 5.18 लाख ते 6.36 लाख रुपये आहे. आता 'स्टार एडिशन'मुळे 5.21 लाखांच्या सुरुवातीच्या किमतीत नव्या लुकसह ग्राहकांना आकर्षित करण्याचा कंपनीचा प्रयत्न आहे.