Gift Idea For Mother मदर्स डे म्हणजे आईचं प्रेम, तिचा त्याग आणि काळजी सेलिब्रेट करण्याचा एक खास दिवस. या दिवशी प्रत्येक मुलाने आपल्या आईच्या चेहऱ्यावर हसू आणण्यासाठी काहीतरी खास करायलाच हवं. आणि यासाठी गिफ्टपेक्षा भारी ऑप्शन दुसरा नाही.
अनेकदा बजेट कमी असल्यामुळे आपण आईला चांगलं गिफ्ट देण्याचं टाळतो. पण आता काळजी करू नका. आम्ही तुम्हाला 500 रुपयांच्या आत 5 अशा सुंदर गिफ्ट आयडिया सांगणार आहोत, ज्या तुम्ही तुमच्या आईला देऊन तिला खूप खूश करू शकता. चला तर मग पाहूया, तुम्ही तुमच्या लाडक्या आईला काय काय गिफ्ट देऊ शकता.
26
आईसाठी फोटो किंवा एखादा छान मेसेज असलेला कॉफी मग एक भावनिक आणि अविस्मरणीय भेट ठरू शकतो. आजकाल बाजारात आणि ऑनलाइन दोन्ही ठिकाणी 200-300 रुपयांमध्ये असे कस्टमाइज्ड मग सहज मिळतात. आई जेव्हाही या कपमध्ये चहा किंवा कॉफी घेईल, तेव्हा तिला रोज तुमची आठवण येईल.
36
तुम्हाला गिफ्टला इमोशनल टच द्यायचा असेल, तर आईच्या आवडत्या फोटोसाठी एक हँडमेड फोटो फ्रेम तयार करा. तुम्ही ही फ्रेम घरीही बनवू शकता, ज्यामुळे गिफ्ट आणखी खास वाटेल. कमी खर्चात तुम्ही मदर्स डे निमित्त आईसाठी एक सुंदर भावना फ्रेम करून देऊ शकता.
आई नेहमी संपूर्ण कुटुंबाची काळजी घेते, पण स्वतःसाठी तिला वेळच मिळत नाही. अशावेळी फेस मास्क, हँड क्रीम, लिप बाम आणि बॉडी लोशन असलेलं एक छोटं सेल्फ केअर किट तिला नक्कीच स्पेशल फील देईल. 300-500 रुपयांमध्ये एक छान किट तयार होऊ शकते. सोबत एक छोटंसं पत्र ठेवायला विसरू नका.
56
एक छोटंसं इंडोर प्लांटसुद्धा आईच्या चेहऱ्यावर हसू आणू शकतं. स्नेक प्लांट, मनी प्लांट किंवा पीस लिलीसारखी रोपं कमी किमतीत मिळतात आणि घराची शोभा वाढवतात. तुम्ही प्लांटर कस्टमाइज करून घेऊ शकता. अनेक ऑनलाइन साइट्स 500 रुपयांच्या आत आईसाठी खास कोट्स किंवा फोटोसहित प्लांटरमध्ये रोप लावून देतात.
66
जर तुमच्या आईला पारंपरिक वस्तू आवडत असतील, तर रंगीबेरंगी काचेच्या बांगड्या एक उत्तम गिफ्ट ठरू शकतं. या दिसायला खूप सुंदर लागतात आणि एथनिक कपड्यांवर छान दिसतात. 500 रुपयांच्या आत तुम्ही आईसाठी 24 डझनांचे दोन बांगड्यांचे सेट घेऊ शकता.
