Tomato Farming: टोमॅटोला फळं लागत नाहीयेत? खडू आणि ताकाचा हा सोपा उपाय करा, दुप्पट फळं येतील!

तुमच्या बागेतील टोमॅटोच्या रोपाला फळं येत नाहीयेत का? मग महागडी खतं विसरा. घरातल्याच खडू आणि ताकाच्या मदतीने रोपांची वाढ दुप्पट करण्याचा आणि मुळं मजबूत करण्याचा सोपा घरगुती उपाय जाणून घ्या.

Organic Fertilizer For Tomato Plant: तुम्ही तुमच्या बाल्कनी, गच्ची किंवा किचन गार्डनमध्ये टोमॅटोचं झाड लावलंय, पण त्याला फळं लागत नाहीयेत किंवा पानं पिवळी पडत आहेत? तर काळजी करू नका. यासाठी महागडी खतं घालण्याची अजिबात गरज नाही. घरातल्याच दोन सोप्या गोष्टी वापरून तुम्ही टोमॅटोची वाढ दुप्पट करू शकता. एका व्हायरल व्हिडिओमध्ये बागकामाची एक अशीच सोपी युक्ती दाखवण्यात आली आहे, जी तुमच्या रोपांना जबरदस्त पोषण देईल.

टोमॅटोच्या रोपासाठी बनवा हे देसी खत

फेसबुकवर 'Unique Farming' नावाच्या पेजवर एक व्हिडिओ पोस्ट करण्यात आला आहे. या व्हिडिओमध्ये दाखवलं आहे की, जर तुमच्या टोमॅटोच्या रोपाला फळं लागत नसतील, तर फक्त एक खडू आणि थोडं ताक वापरून त्याची वाढ दुप्पट होऊ शकते. यासाठी दर १५ दिवसांनी टोमॅटोच्या रोपाच्या मातीत अर्धा खडू पुरा. असं केल्याने रोपातील कॅल्शियमची कमतरता दूर होते आणि त्याला जास्त फळं येऊ लागतात. याशिवाय, अर्धं पाणी आणि अर्धं ताक एकत्र करून ते रोपाच्या मुळाशी घाला. यामुळे झाड हिरवंगार राहतं आणि भरपूर फळं देतं.

टोमॅटोच्या झाडात खडू टाकण्याचे फायदे

खडूमध्ये कॅल्शियम कार्बोनेट असतं, जे मातीतील कॅल्शियमची कमतरता पूर्ण करतं. जेव्हा तुम्ही खडू मातीत पुरता, तेव्हा तो हळूहळू पाण्यात विरघळून मातीतील कॅल्शियम वाढवतो. यामुळे रोपाची पानं काळी पडत नाहीत आणि भरपूर फळं येतात.

टोमॅटोच्या झाडात ताक टाकण्याचे फायदे

टोमॅटोच्या रोपात ताकाचं पाणी घातल्याने बॅक्टेरिया मरतात आणि माती सुपीक बनते. हे एक नैसर्गिक खतासारखं काम करतं, जे रोपांना बुरशीजन्य संसर्गापासून (Fungal Infection) वाचवतं. एक कप ताकात एक कप पाणी मिसळा आणि हे मिश्रण थेट मुळांमध्ये घाला. १५ दिवसांतून एकदा तुम्ही याचा वापर करू शकता. फक्त जास्त ताक वापरू नका, याची काळजी घ्या. खडू आणि ताकाच्या वापराने मुळं मजबूत होतात, पानं हिरवी आणि चमकदार बनतात, फुलं आणि फळं जास्त येतात आणि टोमॅटोचा आकारही मोठा होतो.

खडू आणि ताक वापरताना ही काळजी घ्या

रोपात जास्त प्रमाणात खडू टाकू नका, नाहीतर मातीचा पीएच स्तर (pH level) वाढू शकतो. १५ दिवसांत अर्धा खडू पुरेसा आहे. ताक नेहमी पाण्यात मिसळूनच रोपांवर फवारा. रोपाला रोज थोडा वेळ ऊन दाखवा, जेणेकरून त्याची पानं ताजी राहतील. कुंडीत पाणी साचू देऊ नका. जर तुम्हालाही किचन गार्डनमध्ये सेंद्रिय पद्धतीने टोमॅटो उगवायचे असतील, तर खडू आणि ताकाचा हा सोपा उपाय नक्की करून पाहा.