Celebrity Restaurants: मलायका ते गौरी, हॉटेल व्यवसायातही हिट हे बॉलिवूड स्टार्स

तुम्हाला वेगवेगळ्या ठिकाणी जाऊन खाण्यापिण्याची आवड आहे का? मग तुमच्या आवडत्या बॉलिवूड सेलिब्रिटींच्या या आलिशान रेस्टॉरंट्सना तुम्ही नक्कीच भेट द्यायला हवी. इथे तुम्हाला चव, स्टाईल आणि लक्झरी यांचा परफेक्ट मिलाफ अनुभवायला मिळेल.

The 'taste' of luxury!

एखाद्या शानदार रेस्टॉरंटमध्ये मनसोक्त जेवणाचा आनंद घेण्यासारखं दुसरं सुख नाही. तुमच्या आवडत्या सेलिब्रिटींच्या रेस्टॉरंटमध्ये चविष्ट पदार्थांपासून ते आलिशान सजावटीपर्यंत सर्व काही आहे. चला, याबद्दल अधिक जाणून घेऊया.

Malaika Arora

मलायका अरोरा 'स्कारलेट हाऊस'ची सह-मालक आहे. हे एक युरोपियन पद्धतीचं रेस्टॉरंट आणि कॅफे आहे. वांद्रे येथील पाली व्हिलेजमधील एका जुन्या बंगल्याला नवीन रूप देऊन हे हॉटेल बनवलं आहे.

Gauri Khan

गौरी खान मुंबईतील वांद्रे येथील 'टोरी' (Torii) या आलिशान एशियन रेस्टॉरंटची मालक आहे. विशेष म्हणजे, या रेस्टॉरंटचं संपूर्ण इंटिरियर डिझाइन तिने स्वतः केलं आहे.

Karan Johar

करण जोहरने मुंबईतील कुलाबा येथे 'न्यूमा' (Neuma) नावाचं एक सुंदर फाईन-डाइनिंग रेस्टॉरंट सुरू केलं आहे. तो याचा सह-संस्थापक आहे. ब्रिटिशकालीन बंगल्याला नवीन रूप देऊन हे रेस्टॉरंट बनवण्यात आलं आहे.

Shilpa Shetty

या रेस्टॉरंटबद्दल तर तुम्ही ऐकलंच असेल! शिल्पा शेट्टी 'बास्टियन' (Bastian) या प्रसिद्ध रेस्टॉरंट चेनची सह-मालक आहे. हे रेस्टॉरंट सी-फूड, व्हेगन पदार्थ आणि चविष्ट डेझर्टसाठी सेलिब्रिटींमध्ये खूप लोकप्रिय आहे.