Bike Market: बजाज ऑटोने आपली लोकप्रिय क्रूझर मोटारसायकल 'अवेंजर स्ट्रीट 220' नवीन रंग आणि अपडेट्ससह भारतीय बाजारात पुन्हा लॉन्च केली आहे. जाणून घ्या याबद्दल अधिक या लेखामधून
भारतीय क्रूझर बाईक मार्केटमध्ये आपली वेगळी ओळख निर्माण करणारी बजाज अवेंजर स्ट्रीट 220 नव्या बदलांसह परत आली आहे. बजाज ऑटोने हे अपडेटेड मॉडेल 1.30 लाख रुपये (एक्स-शोरूम) किंमतीत लॉन्च केलं आहे. शहरातील रस्त्यांवर आरामदायी प्रवासाची आवड असणाऱ्या ग्राहकांना डोळ्यासमोर ठेवून ही बाईक तयार केली आहे.
25
बजाज अवेंजर 220
या नवीन मॉडेलमध्ये 'एबनी ब्लॅक' आणि 'कॉकटेल रेड वाईन' असे दोन नवीन रंग देण्यात आले आहेत. याशिवाय, जुन्या मॉडेलचा दमदार क्रूझर लूक तसाच ठेवला आहे. उंच हँडलबार, पुढे असलेले फूटपेग्स आणि आरामदायी सीटिंगमुळे लांबच्या प्रवासासाठी ही बाईक एकदम परफेक्ट आहे.
35
भारतीय क्रूझर बाईक
अवेंजर स्ट्रीट 220 मध्ये जुनं आणि विश्वासार्ह 220cc एअर-ऑइल कूल्ड, सिंगल-सिलेंडर इंजिन वापरण्यात आलं आहे. हे शक्तिशाली इंजिन 19 हॉर्सपॉवर आणि 17 न्यूटन-मीटर टॉर्क जनरेट करतं. ५-स्पीड गिअरबॉक्सद्वारे ही पॉवर मागच्या चाकापर्यंत पोहोचवली जाते.
कंपनीने बाईकच्या सुरक्षिततेवर आणि नियंत्रणावरही विशेष लक्ष दिलं आहे. याच्या पुढच्या बाजूला टेलिस्कोपिक फोर्क आणि मागच्या बाजूला अॅडजस्टेबल ट्विन शॉक ॲबसॉर्बर दिले आहेत. यात 280mm फ्रंट डिस्क ब्रेक, रिअर ड्रम ब्रेक आणि सिंगल-चॅनल ABS सारखे फीचर्सही मिळतात.
55
कमी उंचीच्या रायडर्सनाही सोयीची
ब्लॅक अलॉय व्हील्स आणि ट्यूबलेस टायर्स हे या मॉडेलचं आणखी एक महत्त्वाचं वैशिष्ट्य आहे. 13 लीटरची इंधन टाकी, 160 किलो वजन आणि फक्त 737 मिमी सीटची उंची यामुळे कमी उंचीच्या रायडर्ससाठीही ही बाईक चालवणं सोपं आहे. आता नवीन रंगात आलेली अवेंजर 220 क्रूझर बाईकच्या चाहत्यांना पुन्हा आकर्षित करते का, हे पाहणं महत्त्वाचं ठरेल.
