फळे कधी खावीत? मुख्य जेवणाआधी की नंतर?
सार
फळे सकाळच्या नाश्त्या आणि दुपारच्या जेवणाच्या दरम्यान खाल्ल्यास उत्तम असल्याचे मुंबईतील ग्लोबल हॉस्पिटल्सच्या सल्लागार आहारतज्ज्ञ डॉ. समुद्र पटेल यांनी सांगितले.
निरोगी आहारातील एक महत्त्वाचा घटक म्हणजे फळे. निरोगी शरीरासाठी आवश्यक असलेले जीवनसत्त्वे, खनिजे, फायबर आणि अँटिऑक्सिडंट्स फळांमध्ये असतात. आरोग्य तज्ज्ञांच्या मते, जेवणाच्या वेळी तुमच्या ताटात अर्धे फळे आणि भाज्या असाव्यात.
फळे खाल्ल्याने रक्तदाब कमी होण्यास आणि ऑक्सिडेटिव्ह स्ट्रेस कमी होण्यास मदत होते. परिणामी, हृदयरोगाचा धोका कमी होतो. फळे कधी खावीत हे तुम्हाला माहीत असणे आवश्यक आहे. जेवल्यानंतर लगेच फळे खाणे टाळावे, कारण ते तुमच्या पचनसंस्थेला त्रास देऊ शकते, असे तज्ज्ञांचे म्हणणे आहे.
जेवल्यानंतर लगेच फळे खाणे चांगले नाही कारण ते योग्यरित्या पचत नाहीत. त्यातील पोषक घटकही योग्यरित्या शोषले जात नाहीत. फळे सकाळच्या नाश्त्या आणि दुपारच्या जेवणाच्या दरम्यान खाल्ल्यास उत्तम असल्याचे मुंबईतील ग्लोबल हॉस्पिटल्सच्या सल्लागार आहारतज्ज्ञ डॉ. समुद्र पटेल यांनी सांगितले.
रिकाम्या पोटी फळे खाल्ल्याने शरीरातील अनावश्यक चरबी कमी होण्यास आणि भरपूर ऊर्जा मिळण्यास मदत होते. डॉ. पटेल यांच्या मते, फळे नाश्त्या म्हणून खाणे चांगले आहे.
नाश्त्याच्या अर्धा तास आधी काही फळे खाल्ल्याने दुपारच्या जेवणाच्या वेळी जास्त खाणे नियंत्रित करण्यास मदत होते, असे डॉ. पटेल म्हणतात. फायबरयुक्त फळे पचन सुलभ करण्यास मदत करतात. सफरचंद, नाशपाती, केळी आणि रास्पबेरी ही फायबरयुक्त फळे आहेत. रात्री झोपण्याच्या दोन-तीन तास आधी फळे खाण्याची काळजी घ्यावी.