Budget Friendly Sunroof Cars : पॅनोरामिक सनरूफवाली कार घ्यायची आहे, पण बजेट कमी आहे? काळजी करू नका. आम्ही तुमच्यासाठी अशाच काही परवडणाऱ्या गाड्यांची लिस्ट घेऊन आलो आहोत, ज्यात तुम्हाला हा प्रीमियम फीचर मिळेल.
भारतातील रस्त्यांवर आणि कार शोरूममध्येही गर्दी वाढली आहे. स्पर्धात्मक किंमती आणि डिस्काउंटमुळे मध्यमवर्गीय कुटुंबही आता सहज कार खरेदी करत आहे. पण सध्या गाडी घेताना प्रत्येकजण एक फीचर आवर्जून पाहतो, ते म्हणजे पॅनोरामिक सनरूफ. मायलेज किंवा इंजिनपेक्षाही हे एक स्टेटस सिम्बॉल बनलं आहे. गाडी चालवताना वर मोकळ्या आकाशाचा व्ह्यू लोकांना खूप आवडतो. चला, तर मग पाहूया आपल्या देशातल्या अशाच काही परवडणाऱ्या गाड्या ज्यात हा मस्त फीचर मिळतो.
25
टाटा नेक्सॉन
टाटा नेक्सॉन सध्या भारतातील पॅनोरामिक सनरूफ असणारी सर्वात स्वस्त गाडी आहे. टाटाने आपल्या नवीन Pure+ PS व्हेरिएंटमध्ये हा फीचर दिला आहे. या गाडीची एक्स-शोरूम किंमत फक्त ९.५९ लाख रुपये आहे. ५-स्टार सेफ्टी रेटिंग असलेल्या गाडीत या किंमतीत पॅनोरामिक सनरूफ मिळणं ही एक मोठी गोष्ट आहे.
35
महिंद्रा XUV 3XO आणि किया सायरोस
कियाची नवीन गाडी, सायरोस, तिच्या प्रशस्त केबिनसाठी ओळखली जाते. मोठ्या ग्लास रूफमुळे तिची रुंद केबिन आणखी मोठी वाटते आणि प्रवासाचा अनुभव खास बनतो. या गाडीच्या HTK+ मॉडेलपासूनच सनरूफचा पर्याय उपलब्ध आहे, ज्याची किंमत १०.७४ लाख रुपये आहे. यात ऑटोमॅटिक क्लायमेट कंट्रोलसारखे आधुनिक फीचर्सही मिळतात.
महिंद्रा XUV 3XO : महिंद्रा XUV 3XO ने सब-कॉम्पॅक्ट एसयूव्ही सेगमेंटमध्ये धुमाकूळ घातला आहे. महिंद्राने २०२५ मध्ये लाँच केलेल्या RevX सिरीजमध्ये 'स्कायरूफ' (Skyroof) फीचर आणला. या मॉडेलची किंमत सुमारे ११.१७ लाख रुपये आहे. महिंद्राचा दावा आहे की त्यांचा 'स्कायरूफ' या सेगमेंटमधील सर्वात मोठा आहे. विशेष म्हणजे या मॉडेलमध्ये लेव्हल २ ADAS सिस्टीमसुद्धा मिळते.
मिड-साईज एसयूव्ही सेगमेंटमध्ये ज्यांना प्रीमियम अनुभव हवा आहे, त्यांच्यासाठी एमजी अॅस्टर (MG Astor) एक उत्तम पर्याय आहे. गाडीचं इंटीरियर डिझाइन आणि मटेरियल क्वालिटी खूपच भारी आहे. या गाडीच्या 'Shine' व्हेरिएंटपासून तुम्हाला पॅनोरामिक सनरूफ मिळतो. एक खास AI असिस्टंट हे या गाडीचं आणखी एक मोठं वैशिष्ट्य आहे. याची किंमत ११.३४ लाख रुपयांपासून सुरू होते.
टाटा कर्व्ह (Tata Curvv) : ज्यांना काहीतरी वेगळं हवं आहे, त्यांच्यासाठी टाटाने कर्व्ह डिझाइन केली आहे. या गाडीची डिझाइन युनिक कूप-स्टाईल आहे. सनरूफमुळे गाडीत इतका प्रकाश येतो की गाडी आतून अजूनच मोठी वाटते. हा फीचर 'Pure+ S' व्हेरिएंटमध्ये उपलब्ध आहे. तिचा स्पोर्टी लूक तरुणांमध्ये खूप लोकप्रिय आहे. या गाडीची किंमत सुमारे ११.६५ लाख रुपये आहे.
55
ह्युंदाई क्रेटा आणि किया सेल्टॉस
भारतात 'एसयूव्हीचा राजा' म्हणून ओळखली जाणारी क्रेटा पॅनोरामिक सनरूफशिवाय अपूर्ण वाटते. अनेक ग्राहक खास या फीचरसाठीच क्रेटा निवडतात. हा फीचर 'EX Optional' व्हेरिएंटपासून उपलब्ध आहे. या गाडीत व्हॉईस कमांड फीचरसुद्धा आहे, ज्यामुळे तुम्ही फक्त "Open Sunroof" म्हटल्यावर सनरूफ आपोआप उघडतो. या व्हेरिएंटची किंमत १३.१३ लाख रुपये आहे.
किया सेल्टॉस (Kia Seltos) : स्टाईल आणि टेक्नॉलॉजीच्या बाबतीत किया सेल्टॉस जबरदस्त आहे. नुकत्याच झालेल्या अपडेटनंतर, आता HTK Optional व्हेरिएंटमध्ये अधिक परवडणाऱ्या किंमतीत सनरूफ मिळतो. ३६०-डिग्री कॅमेरा आणि ड्युअल-स्क्रीन सेटअपसारख्या फीचर्समुळे ही गाडी एक कम्प्लीट टेक पॅकेज आहे. या मॉडेलची किंमत १४.१९ लाख रुपये आहे.
