Makeup Creams: BB, CC की DD क्रीम? तुमच्या स्किनसाठी कोणती आहे बेस्ट, जाणून घ्या फरक!

BB, CC आणि DD क्रीम्स ही मेकअप आणि स्किनकेअर दोन्हीचं काम करणारी उत्पादने आहेत. पण आपल्या स्किननुसार योग्य क्रीम निवडण्यासाठी या तिन्हीमधील नेमका फरक काय आहे, हे जाणून घेणं महत्त्वाचं आहे. या क्रीम्स वापरण्यापूर्वी त्यातील फरक समजून घ्या.

Best BB Cream for Daily Use: आजकाल बाजारात एकाच वेळी अनेक कामं करणारी मेकअप आणि स्किनकेअर उत्पादनं सहज मिळतात. पूर्वी लोकांना फाउंडेशन, मॉइश्चरायझर, टोनर आणि सनस्क्रीन अशी वेगवेगळी उत्पादनं लावावी लागायची. पण आता फक्त एक क्रीम ही सगळी कामं करू शकते. बाजारात BB, CC आणि DD अशा अनेक प्रकारच्या क्रीम्स मिळतात, ज्या एकाच वेळी अनेक गोष्टींसाठी वापरल्या जातात. या क्रीम्स स्किनकेअरपासून ते मेकअपपर्यंत सगळ्यासाठी फायदेशीर आहेत. तरीही, अनेकजण या क्रीम्सबद्दल गोंधळलेले असतात. चला तर मग जाणून घेऊया की BB, CC आणि DD क्रीम्स म्हणजे काय आणि या तिन्हींमध्ये मुख्य फरक काय आहे.

BB, CC आणि DD क्रीम्स म्हणजे काय?

BB, CC आणि DD क्रीम्स ही कॉस्मेटिक उत्पादनं आहेत, ज्यांचे अनेक उपयोग आहेत आणि त्वचेला अनेक फायदे मिळतात.

BB क्रीम

BB क्रीममध्ये 'BB' चा अर्थ 'ब्युटी बाम' (Beauty Balm) किंवा 'ब्लेमिश बाम' (Blemish Balm) असा होतो. ही एक ऑल-इन-वन क्रीम आहे, जी स्किनकेअर आणि मेकअपचं काम एकत्र करते. यातून त्वचेला कव्हरेज, ओलावा आणि सूर्याच्या किरणांपासून संरक्षण मिळतं. नॅचरल लूक देण्यासाठी, त्वचेचा रंग एकसारखा करण्यासाठी आणि चेहऱ्यावरच्या बारीक रेषा व डाग कमी करण्यासाठी ही क्रीम तयार केली आहे.

CC क्रीम

CC क्रीममध्ये 'CC' चा अर्थ 'कलर करेक्टर' (Color Corrector) किंवा 'कॉम्प्लेक्शन करेक्टर' (Complexion Corrector) असा होतो. CC क्रीम BB क्रीमसारखीच असते, पण तिचा मुख्य उद्देश त्वचेचा रंग एकसारखा करणे आणि कलर करेक्शन करणे हा असतो. ओलावा, सूर्यापासून संरक्षण आणि कव्हरेज देण्यासोबतच, त्वचेवरील लालसरपणा, काळे डाग आणि रंगातील इतर बदल कमी करण्यासाठी ही क्रीम बनवली आहे.

DD क्रीम

'DD' चा अर्थ 'डायनॅमिक डू-ऑल' (Dynamic Do-All) किंवा 'डेली डिफेन्स' (Daily Defense) आहे. या क्रीम्स BB आणि CC क्रीम्सच्या तुलनेत अधिक फायदे देतात असं मानलं जातं. जसं की, एजिंगची लक्षणं कमी करणे, त्वचा घट्ट करणे आणि चेहऱ्यावरील तेल नियंत्रित करणे.

BB, CC आणि DD क्रीम्समध्ये नेमका फरक काय?

BB क्रीम (ब्युटी बाम)

खरं तर, हे रंगीत मॉइश्चरायझरसारखे असतात, ज्यात अँटीऑक्सिडंट्स, SPF आणि त्वचेला ओलावा देणारे घटक असतात. ज्यांना नैसर्गिक आणि चमकदार लूक हवा आहे, त्यांच्यासाठी ही क्रीम उत्तम आहे. ही क्रीम हलकं ते मध्यम कव्हरेज देते.

CC क्रीम (कलर करेक्टर)

CC क्रीम त्वचेचा टोन एकसारखा करण्यासाठी आणि रंगातील असमानता दूर करण्यासाठी बनवली आहे. सामान्यतः, BB क्रीमच्या तुलनेत याचा टेक्स्चर हलका असतो. ही क्रीम हलकं ते मध्यम कव्हरेज देते आणि यात असे पिगमेंट्स असतात जे लालसरपणा किंवा त्वचेच्या इतर समस्या लपवण्यास मदत करतात.

DD क्रीम (डायनॅमिक डू-ऑल किंवा डेली डिफेन्स)

DD क्रीम अनेक फायदे देते, ज्यात एजिंगची लक्षणं कमी करणे, तेल नियंत्रित करणे आणि स्किन टोन एकसारखा करणे यांचा समावेश आहे. ज्यांना त्वचेच्या जास्त गंभीर समस्या आहेत, त्यांच्यासाठी ही क्रीम सर्वात योग्य आहे, कारण ती BB आणि CC क्रीमपेक्षा जास्त कव्हरेज देते.