Bajaj Pulsar 180: रिलांचनंतर सहाच महिन्यात बजाज पल्सर १८० पुन्हा बंद? जाणून घ्या खरं कारण

vivek panmand   | CMS
Published : Nov 17, 2026, 08:04 PM IST
Bajaj Pulsar 180 (1)

सार

बजाज ऑटोने आपली लोकप्रिय बाईक 'पल्सर १८०' अधिकृत वेबसाईटवरून हटवली आहे. एप्रिल २०२६ मध्ये ही बाईक रिलांच झाली होती, पण अवघ्या ६ महिन्यातच तिला वेबसाईटवरून काढण्यात आल्याने, कमी मागणीमुळे ती बंद झाली असावी असा अंदाज वर्तवला जात आहे.

मुंबई (१७ नोव्हेंबर): बजाज ऑटो (Bajaj Auto) कंपनीची लोकप्रिय बाईक 'पल्सर १८०' (Pulsar 180) पुन्हा एकदा भारतीय बाजारातून बाहेर जाण्याची शक्यता आहे. कंपनीने ही बाईक आपल्या अधिकृत वेबसाईटवरून हटवली आहे. विशेष म्हणजे एप्रिल २०२६ मध्येच ही बाईक बाजारात रिलांच (Relaunch) झाली होती. रिलांचनंतर अवघ्या ६ महिन्यांच्या आत पल्सर १८० ला कंपनीच्या वेबसाईटवरून काढण्यात आलं आहे. मात्र, बजाज ऑटोने ही बाईक बंद करण्याबाबत अद्याप कोणतीही अधिकृत घोषणा केलेली नाही.

२०२२ मध्ये बंद, एप्रिल २०२६ मध्ये रिलांच!

बजाज कंपनीने पल्सर १८० बाईक २०२२ मध्ये बंद केली होती. त्यानंतर एप्रिल २०२६ मध्ये नवीन फीचर्स आणि अपडेट्ससह ती पुन्हा बाजारात आणली गेली. तिची सुरुवातीची एक्स-शोरूम किंमत ₹१.२२ लाख ठेवण्यात आली होती. १८०cc बाईक सेगमेंटमध्ये TVS Apache RTR 180 ला थेट टक्कर देण्यासाठी तिची पुनरागमन झाल्याचं मानलं जात होतं.

पण आता कंपनीच्या वेबसाईटवर पल्सर १८० दिसत नाहीये. त्याचवेळी पल्सर १२५, पल्सर १५० आणि पल्सर २२०F सारखे मॉडेल्स वेबसाईटवर उपलब्ध आहेत. यावरून असा अंदाज लावला जात आहे की कंपनीने पल्सर १८० पुन्हा बंद करण्याचा निर्णय घेतला आहे.

बाईक बंद होण्यामागचं खरं कारण काय असू शकतं?

बाजारात अपेक्षित प्रतिसाद न मिळणाऱ्या बाइक्स बजाजने यापूर्वीही बंद केल्याची उदाहरणे आहेत. याच वर्षी जून महिन्यात कंपनीने पल्सर N125 (Pulsar N125) ही बाईकही आपल्या पोर्टफोलिओमधून हटवली होती. त्यामुळे पल्सर १८० रिलांच होऊन इतक्या कमी कालावधीत वेबसाईटवरून गायब होणं, हे बाजारातील तिच्या कमी मागणीकडे (Weak demand) बोट दाखवतं. मात्र, कंपनीने विक्रीचे आकडे किंवा ती बंद करण्याच्या कारणाबाबत कोणतीही माहिती दिलेली नाही.

पल्सर १८० इंजिन आणि प्रमुख फीचर्स

बजाज पल्सर १८० मध्ये १७८.६cc सिंगल-सिलिंडर, एअर-कूल्ड इंजिन देण्यात आलं होतं. हे इंजिन ८,५०० rpm वर १७ hp पॉवर आणि ६,५०० rpm वर १५ Nm टॉर्क जनरेट करत होतं. याला ५-स्पीड गिअरबॉक्स जोडण्यात आला होता. बाईकमध्ये LED लाईटिंग, ब्लूटूथ कनेक्टिव्हिटी आणि ABS (अँटी-लॉक ब्रेकिंग सिस्टम) सारखे फीचर्स होते. फ्रंटला २८०mm आणि रिअरला २३०mm डिस्क ब्रेक देण्यात आले होते. बाईकचं एकूण वजन १५६ किलो होतं आणि इंधन टाकीची क्षमता १५ लिटर होती.

TVS Apache RTR 180 सोबत थेट स्पर्धा

₹१.२२ लाख एक्स-शोरूम किंमतीत बजाज पल्सर १८० ही आपली प्रतिस्पर्धी टीव्हीएस अपाचे RTR 180 पेक्षा सुमारे ₹४,००० ने स्वस्त होती. १८०cc इंजिन असलेली पारंपरिक स्टाईलची बाईक घेणाऱ्या ग्राहकांना टार्गेट करून कंपनीने ती लाँच केली होती. मात्र, या सेगमेंटमध्ये अपाचे RTR 180 ची आधीच मजबूत पकड होती. सध्या पल्सर १८० च्या जागी नवीन मॉडेल आणलं जाईल का हे बजाजने स्पष्ट केलेलं नाही; तरीही वेबसाईटवरून हटवल्यानंतरही काही डीलरशिप्सवर उरलेला स्टॉक उपलब्ध असू शकतो.

PREV
Utility News (उपयुक्तता बातम्या): Check Latest उपयुक्तता बातम्या थेट in Marathi. Read वैयक्तिक कर्ज, बँकिंग टिप्स, गुंतवणूक, सोने आणि चांदीच्या किंमती बातम्या, ताज्या बातम्या at Asianet Marathi News .
Read more Articles on

Recommended Stories

Natural Sweeteners: गूळ, मध, कोकोनट शुगर खरोखरच साखरेपेक्षा चांगले आहेत का?
Home Loan Calculator: होम लोन कॅल्क्युलेटर वापरून बजेट कसे ठरवावे, जाणून घ्या ५ सोप्या टिप्स