Bajaj Chetak चे नवं 2026 मॉडेल होणार लॉन्च, मिळू शकतात दमदार फीचर्स आणि जबरदस्त परफॉर्मन्स

Bajaj Chetak 2026 New Electric Model: भारतातील इलेक्ट्रिक स्कूटर बजाज चेतक लवकरच नव्या रूपात येणारय. कंपनीने 2026 च्या सुरुवातीला एक पूर्णपणे नवीन चेतक मॉडेल लॉन्च करण्याची घोषणा केली, ज्यात अधिक रेंज, जलद चार्जिंग, स्मार्ट फीचर्स असण्याची शक्यताय.

Bajaj Chetak चे नवं 2026 मॉडेल होणार लॉन्च

Bajaj Chetak: भारतातील इलेक्ट्रिक स्कूटर मार्केट गेल्या काही वर्षांत झपाट्याने वाढत आहे. जवळपास दररोज नवीन ब्रँड्स आणि नवीन मॉडेल्स बाजारात उतरतात. अशा वेगवान वाढीच्या काळात 80–90 च्या दशकात घराघरात लोकप्रिय असलेला Bajaj Chetak आधुनिक इलेक्ट्रिक स्कूटरच्या रूपात पुन्हा अवतरला आणि आज ई-स्कूटर सेगमेंटमधील सर्वात विश्वसनीय आणि दमदार पर्यायांपैकी एक बनला आहे.

आता बजाजने अधिकृतपणे आणखी एक पूर्णपणे नवा Chetak मॉडेल 2026 च्या सुरुवातीला लॉन्च होणार असल्याची घोषणा केली आहे. ही माहिती कंपनीच्या FY26 Q2 कॉन्फरन्स कॉलमध्ये (BSE फाइलिंग) जाहीर करण्यात आली.

भारताचा सर्वाधिक विकला जाणारा ई-स्कूटर!

व्हेईकल रजिस्ट्रेशनच्या आकडेवारीनुसार, ऑक्टोबर 2025 मध्ये Bajaj Chetak हा देशातील सर्वाधिक विकला गेलेला इलेक्ट्रिक स्कूटर ठरला, जे भारतीय खरेदीदारांमधील त्याच्या वाढत्या लोकप्रियतेचे स्पष्ट द्योतक आहे.

बढती इंधनदर, कमी देखभाल खर्च आणि पर्यावरणपूरक परफॉर्मन्स यामुळे ई-स्कूटर्स भारतात जलद गतीने पसंत केले जात आहेत. त्यातही “Chetak” हे दशकांपासून विश्वासाचे प्रतीक असल्याने ग्राहकांचा कल त्याच्याकडे अधिक आहे.

सध्याचे Bajaj Chetak लाइनअप

1. Chetak Series 30

किंमत: ₹99,900 (एक्स-शोरूम)

बॅटरी: 3 kWh

रेंज: 127 किमी

टॉप स्पीड: 63 km/h

चार्जिंग: 0–80% फक्त 3 तास 50 मिनिटांत

दररोजच्या शहरी वापरासाठी अतिशय व्यावहारिक आणि किफायतशीर स्कूटर.

2. Chetak Series 35

किंमत: ₹1,02,500 (एक्स-शोरूम)

बॅटरी: 3.5 kWh

रेंज: 153 किमी

टॉप स्पीड: 73 km/h

लांब रेंज, जास्त पॉवर आणि प्रीमियम फीचर्स—दोन्हींचा उत्तम समतोल.

दोन्ही स्कूटर्सचे सर्वात मोठे आकर्षण म्हणजे त्यांची पूरेपूर मेटल बॉडी, जी त्यांना स्टायलिश, मजबूत आणि प्रीमियम बनवते. बजाजने देशभरात 800 शहरांमध्ये 390 एक्सक्लूसिव Chetak स्टोर्स आणि 4,000 पेक्षा जास्त सेल्स पॉइंट्स यांचे मोठे नेटवर्क उभारले आहे.

नव्या Chetak 2026 – काय विशेष असू शकते?

कंपनीने जरी सर्व माहिती उघड केलेली नसली तरी अपेक्षा अशी आहे की नवीन मॉडेलमध्ये

जास्त रेंज

आणखी जलद चार्जिंग

सुधारित परफॉर्मन्स

पूर्णपणे नवा किंवा अपडेटेड डिझाइन

स्मार्ट कनेक्टेड फीचर्स

आगामी EV स्पर्धेला तगडे उत्तर देण्यासाठी नवी तंत्रज्ञान सुधारणा

अशा अनेक आकर्षक अपग्रेड्स पहायला मिळू शकतात.

बजाजची मजबूत इंजिनिअरिंग आणि सतत होत असलेले अपडेट्स पाहता, Chetak 2026 हे वर्षातील सर्वात चर्चेत राहणारे EV लॉन्च ठरू शकते.