फक्त 6 महिन्यांत 2 लाख युनिट्स विकल्या, या ईव्हीची Bajaj Chetak आणि TVS iQube ला जोरदार टक्कर!

Ather Rizta sales cross 2 lakh units in 6 months : एथर एनर्जीच्या रिझ्टा इलेक्ट्रिक स्कूटरने 2 लाख युनिट्सच्या विक्रीचा टप्पा ओलांडून नवीन विक्रम केला आहे. गेल्या सहा महिन्यांतच 1 लाख युनिट्सची विक्री होऊन या स्कूटरला मोठे यश मिळाले आहे.

एथर रिझ्टा

भारताच्या वेगाने वाढणाऱ्या इलेक्ट्रिक दुचाकी बाजारात, एथर रिझ्टाने एक दमदार मॉडेल म्हणून विक्रम केला आहे. एथर एनर्जीने जाहीर केले आहे की, त्यांच्या लोकप्रिय इलेक्ट्रिक स्कूटर रिझ्टाची विक्री 2 लाखांच्या पुढे गेली आहे. मे २०२४ मध्ये 1 लाखाचा टप्पा ओलांडल्यानंतर, केवळ सहा महिन्यांत आणखी 1 लाख युनिट्सची विक्री करून नवीन विक्रम प्रस्थापित केला आहे. कंपनीच्या एकूण वाहन विक्रीत रिझ्टाचा वाटा 70 टक्क्यांहून अधिक आहे.

विक्रीमध्ये वाढ

एप्रिल २०२४ मध्ये लाँच झालेल्या रिझ्टाने दक्षिण भारताच्या पलीकडे मध्य आणि उत्तर भारतातही एथरचे बाजारातील स्थान मजबूत केले आहे. विशेषतः, मध्य प्रदेश आणि छत्तीसगडमध्ये FY25 च्या पहिल्या तिमाहीत 7 टक्के असलेला वाटा तिसऱ्या तिमाहीत 14 टक्क्यांपर्यंत वाढला आहे. पंजाबमध्ये 8 टक्क्यांवरून 15 टक्के आणि उत्तर प्रदेशात 4 टक्क्यांवरून 10 टक्के वाढ झाली आहे.

रिझ्टा स्कूटरची किंमत

रिझ्टाच्या यशाचे श्रेय नवीन रंगांचे पर्याय आणि बॅटरी प्रकारांना दिले जाते. टेराकोटा रेड कलर मॉडेल आणि 3.7 kWh बॅटरी असलेल्या रिझ्टा एस सारख्या आवृत्त्यांना चांगला प्रतिसाद मिळत आहे. रिझ्टा एस 123 किमी आणि रिझ्टा झेड 159 किमी पर्यंतची IDC रेंज देतात. यात 56-लिटर स्टोरेज, स्किड कंट्रोल, फॉल सेफ्टी यांसारखी वैशिष्ट्ये आहेत. दिल्लीत या स्कूटरची ऑन-रोड किंमत 1.22 लाख ते 1.75 लाख रुपये आहे.

एथर रिझ्टाची विक्री

रिझ्टाच्या लाँचपासून, एथरने आपले रिटेल नेटवर्क 524 केंद्रांपर्यंत विस्तारले आहे. देशभरात 5 लाखांहून अधिक स्कूटर्स विकल्या गेल्या आहेत. शिवाय, एथर आता नेपाळ आणि श्रीलंका यांसारख्या आंतरराष्ट्रीय बाजारपेठांमध्येही रिझ्टाची विक्री करत आहे.