iPhone Price Drop : iPhone 18 Pro येतोय, जुने मॉडेल्स होणार स्वस्त!

iPhone 18 Pro लवकरच लाँच होणार आहे, ज्यामुळे आयफोन 17, 16 आणि 15 सारखे जुने मॉडेल्स स्वस्त होण्याची शक्यता आहे. जाणून घ्या कधी आणि कसे तुम्हाला याचा फायदा होऊ शकतो.

Old iPhone Price Cut : तुम्ही खूप दिवसांपासून आयफोन घ्यायचा विचार करत आहात, पण बजेटमुळे थाबंला असाल, तर तुमच्यासाठी एक जबरदस्त बातमी आहे. टेक विश्वातील ताज्या बातम्यांनुसार, ॲपल सप्टेंबर 2026 मध्ये आपली नवीन iPhone 18 सीरीज लाँच करण्याच्या तयारीत आहे. जेव्हा नवीन आयफोन बाजारात येईल, तेव्हा जुन्या आयफोन मॉडेल्सच्या किमती कमी होऊ शकतात. चला जाणून घेऊया आयफोन 18 कधी लाँच होणार आहे आणि यावेळी कोणते आयफोन स्वस्त होऊ शकतात...

नवीन iPhone आल्यावर जुन्या मॉडेल्सच्या किमती का कमी होतात?

ॲपल साधारणपणे दरवर्षी सप्टेंबर महिन्यात आपली नवीन iPhone सीरीज सादर करते. नवीन मॉडेल बाजारात आल्यानंतर कंपनी काही जुन्या मॉडेल्सची किंमत कमी करते. एवढंच नाही, तर अनेक ऑनलाइन आणि ऑफलाइन स्टोअर्ससुद्धा जुना स्टॉक संपवण्यासाठी अतिरिक्त सूट देतात. यामुळेच लाखो लोक नवीन आयफोन लाँच होण्याची वाट पाहतात, जेणेकरून कमी किमतीत चांगला आयफोन खरेदी करता येईल.

iPhone 18 Pro कधी लाँच होणार?

यावेळचा ॲपलचा लाँच इव्हेंट थोडा खास असणार आहे. कंपनीचे नवे बॉस जॉन टर्नस (John Ternus) यांच्या नेतृत्वात होणारा हा पहिलाच आयफोन लाँच इव्हेंट असेल. टेक तज्ज्ञांच्या मते, हा इव्हेंट 9 सप्टेंबरपासून सुरू होऊ शकतो. याच दिवशी ॲपल जगासमोर आपले नवीन आयफोन (iPhone 18 Pro, Pro Max आणि फोल्डेबल iPhone Ultra) सादर करेल. 11 सप्टेंबरपासून नवीन आयफोनसाठी प्री-ऑर्डर बुकिंग सुरू होईल आणि 18 सप्टेंबरला नवीन आयफोन स्टोअर्समध्ये विक्रीसाठी उपलब्ध होईल.

iPhone 18 Pro लाँच झाल्यानंतर कोणते आयफोन स्वस्त होऊ शकतात?

iPhone 17 Series

तुमचं बजेट थोडं जास्त असेल, तर iPhone 17 आणि iPhone 17 Pro च्या किमतीत सर्वात आधी घट दिसेल. नवीन मॉडेल आल्यानंतर अनेक ई-कॉमर्स वेबसाइट्स यावर चांगल्या ऑफर्स आणू शकतात.

iPhone 16 Series

आयफोन 16 घेण्याचा विचार करत असाल, तर थोडं थांबणं फायद्याचं ठरू शकतं. लाँच झाल्यानंतर या सीरिजवर बँक ऑफर्स, एक्सचेंज बोनस आणि थेट किमतीत कपात बघायला मिळू शकते.

iPhone 15 Series

मध्यम बजेट असणाऱ्यांसाठी आयफोन 15 खरेदी करणं सर्वात फायद्याचं ठरू शकतं. अनेकदा जुन्या मॉडेल्सवर मोठी सूट मिळते, ज्यामुळे ही सीरिज आणखी आकर्षक बनते.

iPhone 14 Series

तुमचं बजेट मर्यादित असेल, तर आयफोन 14 सुद्धा आधीपेक्षा कमी किमतीत मिळू शकतो. पण हे ॲपल या मॉडेलची विक्री सुरू ठेवतं की नाही, यावर अवलंबून असेल.

iPhone ची किंमत किती कमी होऊ शकते?

ॲपलने अजून कोणत्याही मॉडेलची किंमत कमी करण्याची अधिकृत घोषणा केलेली नाही. पण मागच्या काही वर्षांचा ट्रेंड बघितला, तर नवीन आयफोन लाँच झाल्यावर जुन्या मॉडेल्सच्या किमतीत घट आणि वेगवेगळ्या सेल ऑफर्स पाहायला मिळतात. खरी सूट मॉडेल, स्टोरेज व्हेरिएंट आणि ऑफर्सनुसार वेगवेगळी असू शकते.