DIY Bangle Organizer: १ रुपयाही खर्च न करता 'या' ५ सोप्या ट्रिक्सने बनवा स्टायलिश बांगडी स्टँड

DIY Bangle Organizer महागडे बांगड्यांचे बॉक्स कशाला विकत घ्यायचे? घरातल्याच टाकाऊ वस्तूंपासून बनवा आकर्षक ऑर्गनायझर. जुने बॉक्स, काचेच्या बाटल्या वापरून बांगड्या धुळीपासून वाचवा. एकही पैसा खर्च न करता या आयडिया नक्की ट्राय करा.

प्रत्येक स्त्रीकडे दागिन्यांचं आणि विशेषतः बांगड्यांचं भरपूर कलेक्शन असतंच. पण या बांगड्या ठेवायच्या कुठे, हा मोठा प्रश्न असतो. अनेकदा त्या उघड्यावर पडून राहतात आणि त्यावर धूळ बसून त्या खराब होतात. जर तुम्हीही महागडे ऑर्गनायझर विकत घेऊ इच्छित नसाल, तर काळजी करू नका. आपल्या घरातच अशा अनेक गोष्टी आहेत, ज्या वापरून तुम्ही सुंदर आणि स्टायलिश बांगड्यांचे स्टँड बनवू शकता. चला तर मग पाहूया अशाच काही सोप्या आयडिया.

डिलिव्हरी बॉक्सपासून बनवा बँगल स्टोअर

ऑनलाइन शॉपिंगमधून आलेल्या डिलिव्हरी बॉक्सला आपण कचरा समजून फेकून देतो. पण आता तसं करू नका. या बॉक्सला तुम्ही मस्त बांगड्यांचा बॉक्स बनवू शकता. यासाठी बॉक्सवर एखादा चांगला आर्ट पेपर लावा किंवा रंग द्या. बांगड्या अडकवण्यासाठी, कार्डबोर्डचा एक तुकडा आडवा कापून एका बाजूने चिकटवा. झाकणावर तुम्ही मणी किंवा लेस लावून ते अधिक आकर्षक बनवू शकता. झाला तुमचा DIY ऑर्गनायझर तयार!

लाकडी हँगिंग बँगल ऑर्गनायझर

हा एक खूपच युनिक आणि जागा वाचवणारा ऑर्गनायझर आहे. यात तुम्ही रोजच्या किंवा खास प्रसंगी घालण्याच्या बांगड्या ठेवू शकता. यासाठी भिंतीवर एक खिळा ठोका आणि त्याला जाडसर सुतळी किंवा दोरी बांधा. मध्ये-मध्ये छोटे लाकडी ठोकळे लावा. यात तुम्ही बांगड्यांसोबतच हेअर क्लिप आणि कानातले सुद्धा अडकवू शकता.

काचेच्या बाटलीचा वापर

जर तुम्हाला जास्त कलाकुसर करायला आवडत नसेल, तर जुन्या काचेच्या बाटल्या वापरून तुम्ही सुंदर बांगडी स्टँड बनवू शकता. यासाठी बाटली स्वच्छ धुऊन घ्या. त्यावर तुम्ही ॲक्रेलिक रंगाने पेंटिंग करू शकता किंवा तशीच सोबर ठेवू शकता. आता त्यात तुमच्या आवडीच्या बांगड्या ठेवा. पण हो, ही काचेची असल्याने ठेवताना मात्र काळजी घ्या.

लोखंडी हँगरपासून बँगल DIY

घरातील जुने लोखंडी हँगर वापरूनही तुम्ही बांगड्यांसाठी स्टँड बनवू शकता. ग्लू गनच्या मदतीने दोन-तीन हँगर एकमेकांना जोडा. त्याच्या कडेला एक लाकडी रोल लावा, जेणेकरून बांगड्या सहज आत-बाहेर करता येतील. तुम्ही याला तुमच्या खोलीच्या रंगानुसार कलरही करू शकता. हा स्टँड मुलांपासून दूर उंच ठिकाणी लावा.

लाकडी ठोकळ्यांपासून क्राफ्ट आयडिया

तुमच्या घराच्या आसपास लाकडाचे छोटे-मोठे तुकडे सहज मिळतील. एकही पैसा खर्च न करता सुंदर DIY लूक हवा असेल, तर ही आयडिया तुमच्यासाठी आहे. ५-६ पातळ लाकडी पट्ट्या आणि एक जाड लाकडी फळी घ्या. फळीवर दोन्ही बाजूंना उभ्या पट्ट्या चिकटवा आणि मध्ये आडव्या पट्ट्या लावा. झाला तुमचा लाकडी ऑर्गनायझर तयार! तुम्ही याला तुमच्या आवडीचा रंगही देऊ शकता.