Sun Loving Plants: कडक उन्हातही बाल्कनी राहील हिरवीगार, लावा ही ५ सदाबहार झाडं

तुमच्या बाल्कनीत खूप जास्त ऊन येतं का? काळजी करू नका. मोगरा, बोगनवेलिया, तुळस, कोरफड आणि पोर्टुलाका यांसारखी झाडं कडक उन्हातही छान वाढतात. या झाडांमुळे तुमची बाल्कनी मे-जूनच्या गरमीतही हिरवीगार आणि फ्रेश दिसेल.

मे-जूनच्या कडक उन्हामुळे सगळीकडे गरम वातावरण असतं. अशावेळी झाडांवर थेट ऊन आलं, तर ती कोमेजून जातात. पण काही झाडं अशी आहेत, ज्यांच्यावर कडक उन्हाचाही काही परिणाम होत नाही. तुम्ही अशी झाडं तुमच्या बाल्कनीत लावू शकता. चला तर मग जाणून घेऊया, मे-जूनच्या गरमीसाठी कोणती झाडं तुमच्या बाल्कनीसाठी परफेक्ट आहेत.

उन्हाळ्यात मोगऱ्याला येतात भरपूर फुलं

तुम्ही बाल्कनीतील कुंडीत किंवा बागेत मोगऱ्याचं झाड लावू शकता. कडक उन्हात हे फुलझाड चांगलं वाढतं आणि त्याला भरपूर फुलंही येतात. तुम्ही जर रोज वेळेवर पाणी दिलं आणि चांगली माती वापरली, तर संपूर्ण उन्हाळा तुमची बाल्कनी फुलांनी भरलेली राहील.

कमी पाण्यातही बोगनवेलिया छान फुलतो

गुलाबी, नारंगी आणि पांढऱ्या रंगाची फुलं असलेला बोगनवेलिया कमी पाण्यातही छान फुलतो. या झाडाचं वैशिष्ट्य म्हणजे, तुम्ही याच्या फांदीपासूनही नवीन रोप तयार करू शकता. त्यामुळे तुमच्या बागेला किंवा बाल्कनीला बोगनवेलियाने सजवायला विसरू नका.

कडक उन्हातही तुळस चांगली वाढते

तुम्ही कडक उन्हातही बाल्कनीत तुळस लावू शकता. तुळशीला सावलीत ठेवण्याची चूक करू नका. बाल्कनीत दिवसातून ४ ते ६ तास ऊन मिळालं तरी तिची वाढ चांगली होते. तुम्ही हवं असल्यास बाल्कनीत हिरव्या रंगाचं कापड लावू शकता, जेणेकरून ऊन येईल पण त्याची तीव्रता जास्त नसेल.

बाल्कनीत लावा कोरफड

कोरफड हे एक सक्युलेंट (succulent) प्रकारातील रोप आहे, जे ऊन आणि गरमीतही चांगलं वाढतं. पाणी कमी मिळालं तरी कोरफडीच्या रोपावर त्याचा परिणाम होत नाही आणि ते हिरवंगार राहतं. कोरफडीला पसरण्यासाठी जागा मिळावी म्हणून मोठ्या कुंडीत लावा.

पोर्टुलाका किंवा 9 o’clock प्लांट

कडक उन्हात फुलणाऱ्या झाडांमध्ये '9 o’clock' किंवा पोर्टुलाका या रोपाचाही समावेश होतो. जर तुम्ही उन्हाळ्यात फुलझाडं लावण्याचा विचार करत असाल, तर पोर्टुलाका हा एक बेस्ट ऑप्शन आहे. या रोपाला सकाळी आणि संध्याकाळी पाणी द्या आणि दर २ आठवड्यांनी एकदा खत घाला.