Influencer Earnings : 15 सेकंदाच्या एका रीलसाठी 7 लाख; Gen Z इन्फ्लुएन्सर्सची कमाई ऐकून थक्क व्हाल
सार
आजकाल Gen Z मुलांची कमाई करण्याची पद्धतच बदलली आहे. ते फक्त ऑफिसला जाऊन पैसे कमवत नाहीत. सोशल मीडियावर अवघ्या काही सेकंदांचे व्हिडिओ पोस्ट करून ते लाखो रुपये छापत आहेत.
मुंबई : स्मार्टफोन आणि फास्ट इंटरनेटच्या या जमान्यात फॅशन म्हणजे फक्त रॅम्प वॉक किंवा बॉलिवूडपुरती मर्यादित राहिलेली नाही. इन्स्टाग्राम आणि यूट्यूबवर १५ ते ३० सेकंदांचे व्हिडिओ बनवून भारतातील Gen Z फॅशन आणि ब्युटी इन्फ्लुएन्सर्स दर महिन्याला लाखो रुपये कमवत आहेत.
एक काळ असा होता जेव्हा याकडे फक्त एक छंद म्हणून पाहिलं जायचं. पण आता हा सर्वात वेगाने वाढणाऱ्या उद्योगांपैकी एक बनला आहे. एका रिपोर्टनुसार, भारतातील टॉप ५ Gen Z फॅशन आणि ब्युटी इन्फ्लुएन्सर्स अवघ्या १५ सेकंदांच्या एका ब्रँडेड रीलसाठी २ लाख ते ७ लाख रुपयांपर्यंत चार्ज करत आहेत. आणि हो, त्यांची कमाई फक्त रील्सपुरती मर्यादित नाही.
कोमल पांडे – एक्सपेरिमेंटल फॅशनची क्वीन
Gen Z फॅशनबद्दल बोलताना कोमल पांडेचं नाव सर्वात आधी येतं. तिचं वेगळं स्टायलिंग, बोल्ड लूक आणि हाय फॅशन व्हिडिओंमुळे ती खूप लोकप्रिय आहे. लक्झरी आणि प्रीमियम फॅशन ब्रँड्ससोबत काम करणारी कोमल एका रीलसाठी तब्बल ४ ते ६ लाख रुपये घेते. याशिवाय यूट्यूब ॲडसेन्स आणि फॅशन ब्रँड्ससोबतची पार्टनरशिप हे तिच्या कमाईचे मुख्य स्रोत आहेत.
कृतिका खुराणा – बोहो चिक आणि डेली वेअर स्टाईल
इंडो-वेस्टर्न आणि बोहो स्टाईलला लोकप्रिय करणारी कृतिका खुराणा Gen Z सोबतच मिलेनियल्समध्येही खूप फेमस आहे. फॅशनसोबतच ती तिच्या लाईफस्टाईल आणि ब्युटी प्रॉडक्ट्सवरही व्हिडिओ बनवते. ब्युटी ब्रँड्ससोबतचे दीर्घकालीन करार आणि इन्स्टाग्राम रील्सच्या माध्यमातून कृतिका एका रीलसाठी ३ ते ५ लाख रुपये कमवते.
रोशनी भाटिया – एलिगंट आणि स्ट्रीट स्टाईल
क्लासिक फॅशन आणि मॉडर्न स्ट्रीटवेअर लूक्समुळे रोशनी भाटियाने स्वतःची एक वेगळी ओळख निर्माण केली आहे. टियर-१ आणि टियर-२ शहरांमधील प्रेक्षकांमध्ये तिची चांगलीच क्रेझ आहे. याच कारणामुळे मिंत्रा (Myntra), अजिओ (Ajio) आणि नायका (Nykaa) सारख्या ऑनलाईन शॉपिंग आणि ब्युटी प्लॅटफॉर्म्सच्या ब्रँड कॅम्पेनमध्ये ती नेहमी दिसते. एका ब्रँडेड कॅम्पेन किंवा रीलसाठी रोशनी २.५ लाख ते ४.५ लाख रुपये चार्ज करते.
साक्षी शिवदासानी
तिच्या हटके स्टाईल आणि मनोरंजक ब्युटी व्हिडिओंमुळे साक्षी शिवदासानी तरुणांमध्ये खूप लोकप्रिय आहे. मेकअप टिप्स, स्किनकेअर आणि कमी बजेटमध्ये फॅशनेबल कसं दिसायचं, हे ती तिच्या व्हिडिओंच्या माध्यमातून सांगते. त्यामुळेच स्किनकेअर आणि पर्सनल केअर ब्रँड्स तिच्यासोबत काम करायला उत्सुक असतात. साक्षी एका रीलसाठी २ लाख ते ३.५ लाख रुपये घेते.
अनम दरबार
ट्रेंडी कपडे, डान्स आणि एनर्जेटिक व्हिडिओंमुळे अनम दरबारने तरुणांमध्ये मोठी लोकप्रियता मिळवली आहे. फॅशन आणि ब्युटीसोबतच तरुणांना आकर्षित करणारा कंटेंट बनवण्यात ती पटाईत आहे. एका स्पॉन्सर्ड पोस्ट किंवा रीलसाठी अनम १.५ लाख ते ३ लाख रुपये चार्ज करते.
इन्फ्लुएन्सर्सच्या कमाईचे ३ मुख्य स्रोत
हे इन्फ्लुएन्सर्स फक्त रील्समधून पैसे कमवत नाहीत. त्यांच्या कमाईचे तीन मुख्य स्रोत आहेत. पहिलं म्हणजे ब्रँड एंडोर्समेंट आणि स्पॉन्सर्ड रील्स. दुसरं म्हणजे अफिलिएट मार्केटिंग. आणि तिसरं म्हणजे स्वतःचे ब्रँड्स आणि मास्टरक्लासच्या माध्यमातूनही ते तगडी कमाई करत आहेत.