Ranji Trophy 2026: ३८ व्या वर्षी उमेश यादवची कमाल, पंजाबकडून पदार्पणातच घेतले ५ बळी!

रणजी करंडक २०२६ मध्ये पंजाबकडून पदार्पण करताना ३८ वर्षीय उमेश यादवने आसामविरुद्ध ५ बळी घेतले. दोन वर्षांनंतर देशांतर्गत क्रिकेटमध्ये परतलेल्या उमेशची ही कामगिरी पाहून चाहते त्याच्या टीम इंडियातील पुनरागमनाची मागणी करत आहेत.

वय हा फक्त एक आकडा असतो, हे भारताचा अनुभवी वेगवान गोलंदाज उमेश यादवने पुन्हा एकदा सिद्ध केलंय. कौशल्य आणि भूक कायम असेल तर काय होऊ शकतं, हे त्याने दाखवून दिलं. मंगळवारी, १३ ऑक्टोबरला न्यू चंदीगडच्या मुल्लानपूर येथील पीसीए क्रिकेट स्टेडियमवर पंजाब विरुद्ध आसाम या रणजी करंडक सामन्यात त्याने पहिल्याच डावात ५ बळी घेण्याची किमया साधली.

पंजाबचा कर्णधार उदय सहारनने नाणेफेक जिंकून प्रथम गोलंदाजीचा निर्णय घेतला. तिसऱ्या दिवशी आसामचा पहिला डाव ११७ षटकांत ३७३ धावांवर आटोपला. यात उमेश यादवने २४ षटकांत २.९० च्या इकॉनॉमी रेटने फक्त ७० धावा देत ५ फलंदाजांना तंबूचा रस्ता दाखवला. गुरनूर ब्रार (२/८५) आणि इमानजोत सिंग चहल (२/६८) यांनीही त्याला चांगली साथ देत आसामच्या फलंदाजांवर दबाव वाढवला.

आसामची अवस्था एका वेळी ३ बाद २३ अशी बिकट झाली होती. पण कर्णधार डॅनिश दास (१०३) आणि सिबशंकर रॉय (१४३) यांनी चौथ्या विकेटसाठी १६८ धावांची महत्त्वपूर्ण भागीदारी करत संघाचा डाव सावरला. मात्र, त्यानंतर उमेशने आसामच्या तळाच्या फलंदाजांना झटपट बाद करत त्यांचा डाव गुंडाळला.

हे देखील वाचा: रणजी करंडक: तुषार देशपांडेची हॅट्ट्रिक; रवींद्र जडेजाचे शानदार शतक

उमेश यादवच्या ५ बळींची जोरदार चर्चा

यंदाच्या रणजी हंगामापूर्वी उमेश यादवने आपला घरचा संघ विदर्भाची साथ सोडण्याचा निर्णय घेतला. त्याने जवळपास १८ वर्षे विदर्भाकडून देशांतर्गत क्रिकेट खेळले होते.

विदर्भ क्रिकेट असोसिएशनकडून (VCA) ना हरकत प्रमाणपत्र (NOC) मिळवल्यानंतर, त्याने २०२६-२७ च्या हंगामासाठी पाहुणा खेळाडू म्हणून पंजाब संघात प्रवेश केला. त्याचा हा अनुभव पंजाबच्या गोलंदाजी आक्रमणासाठी खूप फायदेशीर ठरला आहे.

पंजाबला सुरुवातीचे यश मिळवून देण्यात उमेशचा मोठा वाटा होता. त्याने रिशव दास (०) आणि राजवीर सिंग (११) यांना बाद केले. त्यानंतर तळाच्या फलंदाजांमध्ये अमलानज्योती दास (०), मुख्तार हुसेन (११) आणि मोहित ठाकूर (१) यांना बाद करत त्याने आपले ५ बळी पूर्ण केले.

Experience and brilliance on display 🫡👏

🎥 In his maiden #RanjiTrophy outing for Punjab, Umesh Yadav's class shone through with a 5⃣-wicket haul in the 1⃣st innings 🔥

Updates ▶️ https://t.co/J78Clp1i9e

@mflone_ | @y_umesh https://t.co/I0YHKCZtvl

— BCCI Domestic (@BCCIdomestic) October 13, 2026

पंजाबकडून पदार्पणाच्या सामन्यातच ५ बळी घेत उमेशने आपल्या प्रथम श्रेणी क्रिकेट कारकिर्दीतील १६ वा 'फायफर' (५ बळी) नोंदवला. ३८ व्या वर्षीही त्याची ही कामगिरी थक्क करणारी आहे.

विशेष म्हणजे, दोन वर्षांच्या विश्रांतीनंतर तो देशांतर्गत क्रिकेटमध्ये परतला आहे. याआधी तो ऑक्टोबर २०२४ मध्ये नागपुरात विदर्भाकडून आंध्रविरुद्ध रणजी सामना खेळला होता. त्यामुळे पंजाबकडून पदार्पणातच केलेली ही कामगिरी अधिक खास ठरते.

३८ व्या वर्षी उमेशची कमाल, चाहते करतायत टीम इंडियात घेण्याची मागणी

दोन वर्षांनंतर देशांतर्गत क्रिकेटमध्ये परतलेल्या उमेशने पंजाबकडून खेळताना ५ बळी घेतल्याने सोशल मीडियावर (विशेषतः X वर) चाहत्यांनी त्याच्यावर कौतुकाचा वर्षाव केला आहे. अनेक क्रिकेट चाहते त्याच्या टीम इंडियातील पुनरागमनाची मागणी करत आहेत.

काही चाहत्यांनी त्याला भारतीय खेळपट्ट्यांवरील सर्वोत्तम वेगवान गोलंदाजांपैकी एक म्हटले असून, निवड समितीने त्याचा कसोटी संघात आणि २०२७ च्या एकदिवसीय विश्वचषकासाठी विचार करावा, अशी विनंती केली आहे. अनेकांनी त्याच्या जुन्या दिवसांची आठवण काढत त्याच्या कमबॅकचे कौतुक केले.

एका चाहत्याने तर त्याला 'भारतीय खेळपट्ट्यांवरील वाघ' म्हटले आहे, तर दुसऱ्याने त्याच्या गोलंदाजीच्या ॲक्शनचे कौतुक करत ती 'वेगवान आणि मस्त' असल्याचे म्हटले आहे.

@CricCrazyJohns He is still better than half of the current bowling setup in test cricket

— Sanno 🇮🇳 (@sh_scribe) October 13, 2026

@CricCrazyJohns Age is just a number when the skill and hunger are still there. What a comeback by Umesh Yadav! ❤️

— Enlightened Post (@epost_official) October 13, 2026

@CricCrazyJohns One of the best bowler to bowl on Indian pitches. Miles better than prasidh, Siraj. Ideal bowler on home pitches.

— Piyush (@Piyush985068881) October 13, 2026

@CricCrazyJohns Umesh Bowling... Stumps flying... Beautiful love story ❤️

— People Champ (@PeopleChamp21) October 13, 2026

@CricCrazyJohns 38 and debuting like hes got nothing to prove. ranji crowds dont lie about who they rate

— Lucyyy❤️‍🩹 (@lucyy_suedex) October 13, 2026

@CricCrazyJohns Bro was a nightmare for batters in his prime

— Finnn (@FinnnXavier_) October 13, 2026

@CricCrazyJohns 38 years old and still making batters dance! 🥹❤️🔥

— Sports 360 (@luckyusman2301) October 13, 2026

Beast in indian condition

— DIL-SCOOP 🇮🇳 (@pradeeppal1718) October 13, 2026

Bring Umesh Yadav back for ODI WC 2027.

— R (@ritesh_1625) October 13, 2026

five wickets on Ranji debut at 38. Umesh Yadav is simply refusing to slow down

— Sunny Singh (@SunnyDecodes) October 13, 2026

I've always found Umesh Yadav's bowling action swift and cool.

— Ayush 🕸 (@ayushually) October 13, 2026

Best Indian fast bowler in Indian conditions in last 15 years

— Sidhant Khajuria (@SidRK27) October 13, 2026

उमेश यादवने जून २०२३ मध्ये ओव्हलवर ऑस्ट्रेलियाविरुद्धच्या जागतिक कसोटी अजिंक्यपद (WTC) अंतिम सामन्यात टीम इंडियासाठी शेवटचा सामना खेळला होता. तेव्हापासून तो आंतरराष्ट्रीय क्रिकेटमध्ये पुनरागमन करण्यासाठी उत्सुक आहे. वय वाढलं तरी वेग आणि सामना जिंकून देण्याची क्षमता कमी होत नाही, हेच तो दाखवून देत आहे.

आंतरराष्ट्रीय कारकिर्दीत उमेशने १४१ सामन्यांमध्ये ३१.६२ च्या सरासरीने आणि ४.२९ च्या इकॉनॉमी रेटने २८८ बळी घेतले आहेत. यात त्याने १० वेळा चार बळी आणि ३ वेळा पाच बळी घेण्याची कामगिरी केली आहे.