RR vs CSK, IPL 2026: राजस्थानची चेन्नईवर मात, ८ विकेट्सनी जिंकत सीझनचा केला श्रीगणेशा

RR vs CSK, IPL 2026: IPL 2026 मध्ये राजस्थान रॉयल्सने आपल्या सीझनची धमाकेदार सुरुवात केली आहे. चेन्नई सुपर किंग्सचा ८ विकेट्सनी धुव्वा उडवत राजस्थानने हा सामना सहज जिंकला. १२८ रन्सचं आव्हान सहज पार करत टीमने विजयाने खातं उघडलं.

गुवाहाटी: इंडियन प्रीमियर लीग (IPL) २०२६ च्या तिसऱ्या सामन्यात राजस्थान रॉयल्सने चेन्नई सुपर किंग्सचा ८ विकेट्सनी पराभव करत आपल्या सीझनची विजयी सुरुवात केली आहे. गुवाहाटीच्या बारसापारा क्रिकेट स्टेडियमवर (Barsapara Cricket Stadium) हा सामना खेळवण्यात आला.

या मॅचमध्ये राजस्थान रॉयल्सचा कॅप्टन रियान परागने (Riyan Parag) टॉस जिंकून पहिल्यांदा बॉलिंग करण्याचा निर्णय घेतला. त्यामुळे चेन्नई सुपर किंग्सला प्रथम बॅटिंगसाठी मैदानात उतरावं लागलं. दोन्ही टीम्सचा हा आयपीएल २०२६ मधला पहिलाच सामना असल्याने, विजयाने सुरुवात करणं त्यांच्यासाठी महत्त्वाचं होतं.

धोनीशिवाय मैदानात उतरली चेन्नई

यावेळी चेन्नई सुपर किंग्सची टीम त्यांचा सर्वात मोठा स्टार खेळाडू एम. एस. धोनीशिवाय (MS Dhoni) मैदानात उतरली. दुखापतीमुळे धोनी सुरुवातीच्या काही मॅचेस खेळणार नाहीये. इतकंच नाही, तर टीमचा आणखी एक महत्त्वाचा खेळाडू डेवाल्ड ब्रेविस (Dewald Brevis) सुद्धा या सामन्यात खेळत नव्हता. त्यामुळे कॅप्टन ऋतुराज गायकवाड आणि इतर बॅट्समनवर मोठी जबाबदारी होती.

जुन्या टीम्सविरुद्ध खेळले दोन मोठे खेळाडू

ही मॅच आणखी एका कारणामुळे खास ठरली. दोन मोठे खेळाडू आपल्या जुन्या टीम्सविरुद्ध मैदानात उतरले होते.

यातली पहिली स्टोरी आहे संजू सॅमसनची (Sanju Samson). बरीच वर्षं राजस्थान रॉयल्सकडून खेळणारा संजू आता चेन्नई सुपर किंग्सच्या जर्सीमध्ये दिसला. धोनी नसल्याने टीमच्या विकेटकीपिंगची जबाबदारीही तोच सांभाळत होता.

दुसरीकडे, दिग्गज ऑलराऊंडर रवींद्र जडेजा (Ravindra Jadeja) तब्बल १५ वर्षं चेन्नईच्या यशाचा महत्त्वाचा भाग राहिल्यानंतर, आता पुन्हा आपल्या पहिल्या टीम, म्हणजेच राजस्थान रॉयल्समध्ये परतला आहे.

राजस्थानच्या बॉलिंगसमोर CSK ची दाणादाण

राजस्थान रॉयल्सच्या भेदक गोलंदाजीसमोर चेन्नईची बॅटिंग गडगडली. संपूर्ण टीम फक्त १२७ रन्सवर ऑलआऊट झाली. एका बाजूने विकेट्स पडत असताना जेमी ओव्हरटनने (Jamie Overton) ४३ रन्सची झुंजार खेळी केली, पण तो रनआऊट झाला. त्याला दुसऱ्या बाजूने कोणाची साथ न मिळाल्याने CSK ला मोठी धावसंख्या उभारता आली नाही. प्रत्युत्तरात, राजस्थान रॉयल्सने १२८ रन्सचं लक्ष्य सहज पार केलं आणि ८ विकेट्स राखून दणदणीत विजय मिळवला.

राजस्थान रॉयल्स प्लेइंग ११

1. वैभव सूर्यवंशी
2. यशस्वी जायसवाल
3. ध्रुव जुरेल (विकेटकीपर)
4. रियान पराग (कप्तान)
5. शिमरोन हेटमायर
6. रवींद्र जडेजा
7. जोफ्रा आर्चर
8. नंद्रे बर्गर
9. संदीप शर्मा
10. रवि बिश्नोई
11. ब्रिजेश शर्मा

चेन्नई सुपर किंग्स प्लेइंग ११

1. संजू सैमसन (विकेटकीपर)
2. ऋतुराज गायकवाड़ (कप्तान)
3. आयुष म्हात्रे
4. मैट शॉर्ट
5. शिवम दुबे
6. कार्तिक शर्मा
7. जेमी ओवरटन
8. नूर अहमद
9. मैट हेनरी
10. अंशुल कंबोज
11. खलील अहमद