IPL 2026 : आज कोलकाता विरुद्ध पंजाब लढत, श्रेयस अय्यर जुन्या टीमसमोर, जाणून घ्या संभाव्य Playing XI

IPL 2026 KKR vs PBKS Match : IPL 2026 मध्ये आज ६ एप्रिल रोजी १२ वा सामना खेळवला जाणार आहे. कोलकाताच्या ईडन गार्डन्सवर होणाऱ्या या मॅचमध्ये पंजाब किंग्स आणि कोलकाता नाईट रायडर्स हे दोन संघ आमनेसामने असतील. 

IPL 2026 KKR vs PBKS Match : आयपीएल 2026 च्या १२व्या सामन्यात आज, सोमवार ६ एप्रिल रोजी, कोलकाता नाईट रायडर्स (KKR) आणि पंजाब किंग्स (PBKS) हे संघ भिडणार आहेत. कोलकाताच्या प्रसिद्ध ईडन गार्डन्सवर हा सामना होणार आहे. सामन्याचा टॉस संध्याकाळी ७ वाजता होईल, तर मॅचची सुरुवात संध्याकाळी ७:३० वाजता होईल.

KKR vs PBKS IPL 2026: सामन्याआधी दोन्ही टीम्सचा प्रवास वेगळा

ईडन गार्डन्सवर होणाऱ्या या मॅचआधी दोन्ही टीम्सचा आतापर्यंतचा प्रवास खूपच वेगळा राहिला आहे. KKR साठी अडचणींची सुरुवात तर 2025 च्या सीजनपासूनच झाली होती. त्या सीजनमध्ये टीम शेवटचे दोन सामने हरून आठव्या स्थानावर राहिली होती. चांगल्या कामगिरीच्या आशेने टीमने IPL 2026 साठी मोठे बदल केले, पण तरीही या सीजनची सुरुवात सलग दोन पराभवांनी झाली आहे.

PBKS जबरदस्त फॉर्मात

याउलट, PBKS ची कामगिरी खूपच दमदार राहिली आहे. 2025 मध्ये हा संघ फायनलपर्यंत पोहोचला होता आणि त्यांनी आपल्या 21 खेळाडूंना कायम ठेवलं. 2026 च्या सीजनमध्ये PBKS ने सलग दोन विजय मिळवले आहेत, ज्यात टीमच्या अनेक खेळाडूंनी योगदान दिलं आहे. PBKS ची बॅटिंग, विशेषतः टॉप ऑर्डर खूप मजबूत दिसत आहे.

KKR च्या बॅटिंगमध्ये अडचणी

दुसरीकडे, KKR चा टॉप ऑर्डर धावा काढण्यासाठी झगडत आहे. महागड्या ऑस्ट्रेलियन ऑलराऊंडरची बॅट अजूनही शांतच आहे. बॉलिंगमध्येही PBKS ची टीम संतुलित दिसते, तर KKR अडचणीत सापडली आहे. KKR चे प्रमुख बॉलर वरुण चक्रवर्तीसुद्धा आपल्या लयीत दिसत नाहीत आणि संघर्ष करत आहेत. तर, रमणदीप सिंहची कामगिरी KKR साठी चिंतेचा विषय बनली आहे.

श्रेयस अय्यर जुन्या टीम KKR विरुद्ध मैदानात

या मॅचची एक खास गोष्ट म्हणजे PBKS चा कॅप्टन श्रेयस अय्यर आपल्या जुन्या टीम KKR विरुद्ध खेळणार आहे. अय्यरने दोन सीजनपूर्वी KKR ला विजेतेपद मिळवून दिलं होतं, त्यामुळे हा सामना त्याच्यासाठी खास असणार आहे. KKR ने जर टीममध्ये बदल करायचं ठरवलं, तर मनीष पांडे एक पर्याय असू शकतो. बॉलिंगमध्ये नवदीप सैनी आणि उमरान मलिकसारखे पर्याय उपलब्ध आहेत. तर दुसरीकडे, PBKS ने आपले दोन्ही सामने एकाच प्लेइंग कॉम्बिनेशनने जिंकले आहेत. त्यामुळे त्यांच्या टीममध्ये बदलाची शक्यता खूपच कमी आहे.

KKR संभाव्य प्लेइंग XI

1. अजिंक्य रहाणे (कर्णधार)
2. फिन ऍलन
3. कॅमरून ग्रीन
4. अंगकृष रघुवंशी (विकेटकीपर)
5. मनीष पांडे / रमणदीप सिंह
6. रिंकू सिंह
7. अनुकूल रॉय
8. सुनील नरेन
9. वैभव अरोरा / नवदीप सैनी / उमरान मलिक
10. वरुण चक्रवर्ती
11. ब्लेसिंग मुझाराबानी
12. कार्तिक त्यागी

PBKS संभाव्य प्लेइंग XI

1. प्रभसिमरन सिंह (विकेटकीपर)
2. प्रियांश आर्य
3. कूपर कोनोली
4. श्रेयस अय्यर (कर्णधार)
5. नेहल वढेरा
6. शशांक सिंह
7. मार्कस स्टोइनिस
8. मार्को जानसेन
9. झेवियर बार्टलेट
10. विजयकुमार विशाक
11. अर्शदीप सिंह
12. युझवेंद्र चहल