IND vs SA : भारत-दक्षिण आफ्रिका पाचवा T20i सामना कधी आणि कुठे? वाचा संपूर्ण डिटेल्स

India vs South Africa 5th T20i Match : भारत आणि दक्षिण आफ्रिका यांच्यातील लखनौमधील चौथा T20i सामना धुक्यामुळे रद्द झाला. दोन्ही संघांमध्ये ५ सामन्यांची मालिका खेळवली जात आहे, ज्यात टीम इंडिया २-१ ने पुढे आहे.  

India vs South Africa 5th T20i Match : भारत आणि दक्षिण आफ्रिकेमधील चौथा T20 आंतरराष्ट्रीय सामना धुक्यामुळे रद्द झाला. लखनौच्या एकाना स्टेडियमवर दोन्ही संघांमध्ये हा सामना होणार होता, पण कमी दृश्यमानतेमुळे नाणेफेकही होऊ शकली नाही. ५ सामन्यांच्या मालिकेत टीम इंडिया २-१ ने पुढे आहे. त्यामुळे पाचवा सामना खूप महत्त्वाचा ठरणार आहे. एकीकडे 'मेन इन ब्लू'ला मालिका जिंकायची आहे, तर दुसरीकडे प्रोटियाज संघाचे लक्ष बरोबरी साधण्यावर असेल. सूर्यकुमार यादवच्या नेतृत्वाखालील भारतीय संघ यासाठी पूर्णपणे तयार आहे. चला तर मग जाणून घेऊया, हा सामना कधी आणि कुठे खेळवला जाईल...

भारत-दक्षिण आफ्रिका पाचवा T20i सामना कधी?

एडन मार्करमच्या नेतृत्वाखालील दक्षिण आफ्रिकेचा संघ आता मालिका बरोबरीत सोडवण्यासाठी पूर्णपणे सज्ज आहे. तर दुसरीकडे, सूर्यकुमार यादवची तरुण टीम इंडियाही या आव्हानासाठी तयार आहे. मालिकेतील ५ वा सामना १९ डिसेंबर रोजी खेळवला जाईल. सामन्याची सुरुवात भारतीय वेळेनुसार संध्याकाळी ७ वाजता होईल. अभिषेक शर्मा आणि संजू सॅमसनची जोडी पुन्हा एकदा T20i क्रिकेटमध्ये धुमाकूळ घालताना दिसेल.

भारत-दक्षिण आफ्रिका ५ वा T20i सामना कुठे?

भारत आणि दक्षिण आफ्रिका यांच्यातील पाचवा T20 आंतरराष्ट्रीय सामना अहमदाबादच्या नरेंद्र मोदी क्रिकेट स्टेडियमवर खेळवला जाईल. बऱ्याच काळानंतर टीम इंडिया या मैदानावर T20 क्रिकेट खेळण्यासाठी उतरत आहे. या क्रिकेट मैदानावर एकूण ६ सामने खेळले गेले आहेत. येथे प्रथम फलंदाजी करणाऱ्या संघाने फक्त ५०% सामने जिंकले आहेत, तर लक्ष्याचा पाठलाग करणाऱ्या संघाला ५०% सामन्यांमध्ये विजय मिळाला आहे.

अहमदाबादमधील खेळपट्टीचा अंदाज काय?

अहमदाबादच्या खेळपट्टीच्या अहवालावर नजर टाकल्यास, येथे पहिल्या डावातील सरासरी धावसंख्या १८१ आहे, तर दुसऱ्या डावात ती १४७ पर्यंत खाली येते. या मैदानावरची सर्वोच्च धावसंख्या २३४/४ आहे, जी भारतीय संघाने न्यूझीलंडविरुद्ध केली होती. तर, सर्वात कमी धावसंख्याही याच संघाची आहे. न्यूझीलंडविरुद्ध संपूर्ण संघ १२.१ षटकांत ६६ धावांवर बाद झाला होता. इतकेच नाही, तर या मैदानावरचा सर्वोच्च यशस्वी पाठलाग १६६ धावांचा आहे. तर, सर्वात कमी धावसंख्येचा यशस्वी बचाव १८५ धावांचा आहे.

T20i मालिकेसाठी टीम इंडिया: सूर्यकुमार यादव (कर्णधार), शुभमन गिल*, अभिषेक शर्मा, तिलक वर्मा, हार्दिक पांड्या, शिवम दुबे, जितेश शर्मा (यष्टीरक्षक), अक्षर पटेल, संजू सॅमसन (यष्टीरक्षक), वॉशिंग्टन सुंदर, कुलदीप यादव, जसप्रीत बुमराह, वरुण चक्रवर्ती, हर्षित राणा, अर्शदीप सिंग.