Dravid and Sehwag : द्रविड-सेहवागची जोडी पुन्हा मैदानात, पण एका नव्या अंदाजात; नेमकं काय आहे, वाचाच

राहुल द्रविड आणि वीरेंद्र सेहवाग यांची जोडी पुन्हा एकदा एकाच टीममध्ये दिसणार आहे. पण थांबा, हे दिग्गज स्वतः नाही, तर त्यांची पुढची पिढी, म्हणजेच त्यांची मुलं एकत्र खेळणार आहेत. अन्वय द्रविड आणि आर्यवीर सेहवाग यांची भारतीय U19 संघात निवड झाली आहे.

नवी दिल्ली : राहुल द्रविड आणि वीरेंद्र सेहवाग यांनी क्रिकेटमधून निवृत्ती घेऊन बरीच वर्षे झाली. सेहवाग आपल्या स्कूल आणि अकादमीमध्ये व्यस्त आहेत, तर द्रविडने कोच म्हणून भारतीय क्रिकेटमध्ये मोठं योगदान दिलं आहे. या दोघांच्या बॅटिंगने अनेक रेकॉर्ड्स बनवले आहेत. आता पुन्हा एकदा 'द्रविड' आणि 'सेहवाग' ही नावं एकाच टीमच्या जर्सीवर दिसणार आहेत. पण यावेळी हे दोघे नाही, तर त्यांची मुलं म्हणजेच 'जेन-झी' द्रविड आणि सेहवाग एकत्र खेळताना दिसणार आहेत.

हो, तुम्ही बरोबर ऐकलं! राहुल द्रविड आणि वीरेंद्र सेहवाग यांची मुलं आता बॅट घेऊन मैदानात उतरत आहेत. या दोन्ही दिग्गज खेळाडूंच्या मुलांची एकाच टीममध्ये निवड झाली आहे. भारतीय क्रिकेटसाठी हा एक विलक्षण योगायोग आहे.

U19 संघात दोन्ही दिग्गजांच्या मुलांना स्थान

राहुल द्रविडचा मुलगा अन्वय द्रविड आणि वीरेंद्र सेहवागचा मुलगा आर्यवीर सेहवाग या दोघांचीही भारताच्या अंडर-19 संघात निवड झाली आहे. ऑस्ट्रेलियाविरुद्ध होणाऱ्या मालिकेसाठी निवडलेल्या भारतीय संघात या दोघांचा समावेश आहे. त्यामुळे आता मैदानात पुन्हा एकदा द्रविड आणि सेहवागची आठवण ताजी होणार आहे.

भारत आणि ऑस्ट्रेलिया यांच्यात अंडर-19 मालिका १८ सप्टेंबरपासून सुरू होत आहे. या मालिकेत तीन एकदिवसीय आणि दोन कसोटी सामने (मल्टी-डे) खेळवले जातील. बीसीसीआयच्या निवड समितीने नुकत्याच झालेल्या बैठकीत या संघाची घोषणा केली. अन्वय द्रविड आणि आर्यवीर सेहवाग या दोघांना तीन सामन्यांच्या एकदिवसीय मालिकेसाठी संघात स्थान मिळालं आहे, पण कसोटी सामन्यांच्या संघात त्यांचा समावेश नाही. अंडर-19 संघाचं नेतृत्व लक्ष्य रायचंदानी करणार आहे.

अंडर-19 एकदिवसीय संघ

लक्ष्य रायचंदानी (कर्णधार), यशबर्धन चौहान (उपकर्णधार), रजत बघेल (विकेटकीपर), आर्यवीर सेहवाग, व्ही. के. विनीत, कुशाग्र ओझा, अर्जुन राजपूत, मनाल चौहान, अन्वय द्रविड (विकेटकीपर), व्ही. यशवीर, रोहित यादव, शाविन विनोद, मोहित उल्वा, चिगुरुपती वेंकट, काव्या पटेल.

अंडर-19 मल्टी-डे संघ

यशबर्धन चौहान (कर्णधार), लक्ष्य रायचंदानी (उपकर्णधार), सागर विर्क, कुशाग्र ओझा, मनाल चौहान, कुश पटेल, मानव कृष्णा (विकेटकीपर), अभिप्रय बिस्वास (विकेटकीपर), रोहित यादव, इशान ओम, अयान अक्रम, प्रणव राघवेंद्र, प्रियांशू सिंग, मोहित उल्वा, आर्यन यादव.