
दिल्ली: आयपीएल २०२६ चा १४ वा सामना क्रिकेट चाहत्यांसाठी पैसा वसूल ठरला. दिल्लीच्या अरुण जेटली स्टेडियमवर पार पडलेल्या या हाय-व्होल्टेज सामन्यात गुजरात टायटन्सने दिल्ली कॅपिटल्सचा केवळ १ धावेने पराभव केला. शेवटच्या चेंडूपर्यंत रंगलेल्या या सामन्यात 'नशीब' गुजरातच्या बाजूने धावले.
नाणेफेक हारल्यानंतर प्रथम फलंदाजीला आलेल्या गुजरातची सुरुवात खराब झाली होती, मात्र त्यानंतर जोस बटलर आणि शुभमन गिलने दिल्लीच्या गोलंदाजांची धुलाई केली:
जोस बटलर: २७ चेंडूत ५२ धावा.
शुभमन गिल (कर्णधार): ७० धावा (४ चौकार, ५ षटकार).
वॉशिंग्टन सुंदर: ५५ धावांची महत्त्वपूर्ण खेळी.
गुजरातने २० षटकात २१० धावांचा डोंगर उभा केला.
२११ धावांच्या आव्हानाचा पाठलाग करताना दिल्लीने आक्रमक सुरुवात केली. पथुम निसंका (४१) आणि केएल राहुल यांच्यात ७६ धावांची भागीदारी झाली.
केएल राहुल: ९२ धावा (११ चौकार, ४ षटकार). राहुलने एक बाजू लावून धरली होती, पण १७ व्या व्या षटकात सिराजने त्याला बाद करून सामन्याचे पारडे फिरवले.
डेविड मिलर: अखेरच्या क्षणी मिलरने २० चेंडूत ४१ धावा कुटल्या, पण संघाला विजयाची रेषा ओलांडून देऊ शकला नाही.
दिल्लीला विजयासाठी शेवटच्या १२ चेंडूत ३६ धावांची गरज होती.
१. १९ वे षटक: सिराजच्या ओव्हरमध्ये मिलरने तब्बल २३ धावा वसूल केल्या. समीकरण ६ चेंडूत १३ धावांवर आले.
२. २० वे षटक: प्रसिद्ध कृष्णाने टिच्चून गोलंदाजी केली. शेवटच्या चेंडूवर विजयासाठी २ धावा हव्या होत्या, पण कुलदीप यादव रन आऊट झाला आणि दिल्लीने अवघ्या १ धावेने सामना गमावला.
दिल्ली कॅपिटल्स: केएल राहुल, पथुम निसांका, नीतीश राणा, विप्रज निगम, अक्षर पटेल, डेविड मिलर, ट्रिस्टन स्टब्स, कुलदीप यादव, लुंगी एनगिडी, टी नटराजन, मुकेश कुमार.
गुजरात टायटन्स: शुभमन गिल (कर्णधार), साई सुदर्शन, जोस बटलर, वाशिंगटन सुंदर, ग्लेन फिलिप्स, शाहरुख खान, राहुल तेवतिया, राशिद खान, कगिसो रबाडा, मोहम्मद सिराज, अशोक शर्मा.
आयपीएलच्या इतिहासातील हा एक क्लासिक सामना ठरला असून, गुजरातने या विजयाने गुणतालिकेत मोठी झेप घेतली आहे.