CSK vs KKR : आज चेन्नई विरुद्ध कोलकाता, प्लेऑफच्या शर्यतीत टिकण्यासाठी दोन्ही टीम्सची प्रतिष्ठा पणाला!

CSK vs KKR IPL 2026 Match : CSK आणि KKR दोन्ही टीम्स या सीजनमध्ये संघर्ष करत आहेत. चेन्नईत होणारा हा सामना प्लेऑफच्या शर्यतीसाठी खूप महत्त्वाचा आहे. CSK कडे संजू सॅमसनच्या फॉर्मचा फायदा आहे, तर KKR अजूनही आपल्या बेस्ट प्लेइंग XI च्या शोधात आहे.

CSK vs KKR IPL 2026 Match : आयपीएल 2026 च्या 22व्या सामन्यात आज, म्हणजे मंगळवार 14 एप्रिल रोजी, कोलकाता नाईट रायडर्स (KKR) आणि चेन्नई सुपर किंग्स (CSK) यांच्यात एक मोठी लढत होणार आहे. चेन्नईच्या चेपॉक स्टेडियमवर होणाऱ्या या सामन्यात दोन्ही टीम्सनी आयपीएल ट्रॉफी जिंकली असली तरी, या सीजनमध्ये मात्र त्या पॉईंट्स टेबलमध्ये खालच्या बाजूला आहेत.

या सीजनमध्ये दोन्ही टीम्सची बिकट अवस्था

CSK ने आतापर्यंत 4 पैकी फक्त 1 सामना जिंकलाय. दुसरीकडे, KKR चा एक सामना पावसामुळे वाचला, नाहीतर त्यांना चारही सामन्यांमध्ये पराभव पत्करावा लागला असता. त्यामुळे आता दोन्ही टीम्ससमोर टॉपच्या टीम्सपासून मागे न पडण्याचं मोठं आव्हान आहे.

टीम कॉम्बिनेशन आणि लिलावातील रणनितीवर प्रश्नचिन्ह

आयपीएल टीम्सची ओळख त्यांच्या लिलावात निवडलेल्या खेळाडूंवरून होते. KKR ने श्रेयस अय्यरला रिलीज करून या सीजनमध्ये अजिंक्य रहाणेला कॅप्टन बनवलं. तर CSK ने समीर रिझवीसारख्या फॉर्मात असलेल्या खेळाडूला बाहेर बसवलं आहे. या निर्णयामुळे दोन्ही टीम्सच्या रणनितीवर प्रश्न विचारले जात आहेत.

प्लेऑफची शर्यत: हरणाऱ्या टीमवर वाढणार दबाव

चेन्नईत होणाऱ्या या सामन्यात हरणाऱ्या टीमसाठी पुढचा प्रवास खूपच अवघड होऊ शकतो. CSK कडे संजू सॅमसनसारखा जबरदस्त फॉर्मात असलेला खेळाडू आहे, जो T20 वर्ल्ड कपपासूनच चांगली कामगिरी करतोय. त्यामुळे CSK च्या आशा थोड्या जास्त आहेत. दुसरीकडे, KKR अजूनही आपल्या बेस्ट बॉलिंग लाईन-अपसोबत खेळू शकलेली नाही.

CSK vs KKR: योग्य कॉम्बिनेशन सापडलं का?

मागच्या सामन्यात डेवाल्ड ब्रेविस आल्यामुळे CSK चं कॉम्बिनेशन चांगलं झालंय. पण, एमएस धोनी खेळण्याची शक्यता सध्या तरी दिसत नाही. गुरजपनीत सिंगने चांगली कामगिरी केल्यामुळे त्याची टीममधली जागा कायम राहू शकते. दुसरीकडे, KKR ला आशा आहे की वरुण चक्रवर्ती या मॅचसाठी फिट असेल. पण त्याच्या फिटनेसवर अजूनही शंका आहे, कारण ट्रेनिंगवेळी त्याच्या हाताला टेप लावलेला दिसला होता. दोन्ही टीम्स अंतिम निर्णय मॅचच्या आधीच घेतील.

चेन्नई सुपर किंग्स (संभाव्य प्लेइंग XI)

संजू सॅमसन (विकेटकीपर), ऋतुराज गायकवाड (कर्णधार), आयुष म्हात्रे, डेवाल्ड ब्रेविस, शिवम दुबे, सरफराज खान, जेमी ओवरटन, अकील हुसैन, अंशुल कंबोज, नूर अहमद, खलील अहमद, गुरजपनीत सिंह.

कोलकाता नाइट रायडर्स (संभाव्य प्लेइंग XI)

अजिंक्य रहाणे (कर्णधार), फिन एलन, अंगकृष रघुवंशी (विकेटकीपर), कॅमरन ग्रीन, रिंकू सिंह, रोवमॅन पॉवेल, रमनदीप सिंह, सुनील नरेन, अनुकूल रॉय/वरुण चक्रवर्ती, नवदीप सैनी, कार्तिक त्यागी, वैभव अरोड़ा.