अर्जुन तेंडुलकरच्या लग्नाची तारीख ठरली, सचिन बस्त्याच्या धावपळीत, आता साराच्या लग्नाची चर्चा

Arjun Tendulkar Wedding Date Set : अर्जुन तेंडुलकर ५ मार्चला सानिया चंडोकसोबत लग्न करणार; आता साराच्या लग्नाची चर्चा? सचिन तेंडुलकरच नाही, तर त्याची मुलगी सारा तेंडुलकर आणि मुलगा अर्जुन तेंडुलकरही नेहमी चर्चेत असतात. 

Arjun Tendulkar Wedding Date Set : दिग्गज क्रिकेटपटू सचिन तेंडुलकरच्या घरी लग्नाची तयारी सुरू आहे. सचिन तेंडुलकरचा मुलगा अर्जुन तेंडुलकर सानिया चंडोकसोबत लग्न करणार आहे. दोघेही लहानपणापासूनचे मित्र आहेत. अर्जुन तेंडुलकरने वडिलांपेक्षा वेगळा मार्ग निवडला असून तो एक चांगला अष्टपैलू क्रिकेटपटू बनण्यावर लक्ष केंद्रित करत आहे.

गेल्या काही वर्षांपासून अर्जुन तेंडुलकर आयपीएलमध्ये मुंबई इंडियन्सकडून खेळत आहे. अर्जुन तेंडुलकर आणि सानिया चंडोक यांचा साखरपुडा काही दिवसांपूर्वी जवळच्या लोकांच्या उपस्थितीत पार पडला. साखरपुड्याचे काही फोटोही समोर आले होते. त्याआधी सचिन तेंडुलकरची सून कोण आणि अर्जुन तेंडुलकर कोणाला डेट करत आहे, याची कोणालाच कल्पना नव्हती. सानिया चंडोकचे वडील आणि आजोबा मोठे व्यावसायिक आहेत. सानिया आणि अर्जुन अनेक वर्षांपासून एकमेकांना डेट करत होते, त्यानंतर मुंबईत त्यांचा साखरपुडा झाला.

अर्जुन तेंडुलकर आणि सानिया चंडोक यांचे लग्न आयपीएलपूर्वी होणार आहे. अर्जुन आणि सानिया यांचे लग्न ५ मार्च रोजी निश्चित झाले आहे. लग्नापूर्वीचे कार्यक्रम ३ मार्चपासून सुरू होतील. सचिन तेंडुलकर आणि त्याचे संपूर्ण कुटुंब लग्नाच्या तयारीत व्यस्त आहे. काही दिवसांपूर्वी अंजली तेंडुलकर आणि सारा तेंडुलकर लग्नासाठी खरेदी करताना दिसल्या होत्या. त्याचे फोटो व्हायरल झाले होते.

अर्जुनच्या लग्नानंतर आता सारा तेंडुलकरच्या लग्नाची चर्चा

मिळालेल्या माहितीनुसार, अर्जुन तेंडुलकरच्या लग्नानंतर सारा तेंडुलकरचे लग्न होणार आहे. सानिया सून म्हणून घरी येईल, तर सारा तेंडुलकर सासरी जाईल. सारा तेंडुलकर आणि शुभमन गिल यांच्यात डेटिंग सुरू असल्याची चर्चा अजूनही सुरू आहे. मात्र, याबाबत अद्याप कोणीही काहीही सांगितलेले नाही. अर्जुन तेंडुलकरनंतर साराही लग्न करणार हे जवळपास निश्चित मानले जात आहे.

सचिन तेंडुलकरची मुलगी सारा तेंडुलकर कोणाशी लग्न करणार याबाबत स्पष्टता नाही. डिसेंबरमध्ये गोव्यामधील सारा तेंडुलकरचे काही फोटो व्हायरल झाले होते. सारा सध्या आनंदी जीवन जगत आहे आणि ती लवकरच लग्न करेल असा अंदाज वर्तवला जात आहे. मात्र, सारा तेंडुलकरच्या लग्नाबाबत तेंडुलकर कुटुंबाकडून अद्याप काहीही सांगण्यात आलेले नाही.